O‘zbekiston Respublikasi IIV “Dinamo” Jismoniy tarbiya va sport jamiyati Surxondaryo viloyat Kengashining kalendar rejasiga asosan 2024 yilning 16-17 dekabr  kunlari “O‘zbekiston Respublikasi Konstitutsiyasi kuni” bayramiga bag‘ishlab Termiz shahridagi “Alpomish Arena” sport majmuasida sportning “Sambo” turi bo‘yicha Surxondaryo viloyati Huquqni muhofaza qiluvchi organlari xodimlari o‘rtasida viloyat birinchiligi musobaqasi o‘tkazildi.

Sport musobaqasi murosasiz baxslarga boy bo‘lib, Surxondaryo viloyatida  xizmat o‘tayotgan viloyat Milliy gvardiyasi boshqarmasi,  viloyat Favqulodda vaziyatlar boshqarmasi, viloyat Ichki ishlar boshqarmasi,  viloyat Milliy gvardiyasi  Qo‘riqlash boshqarmasi, Davlat xavfsizligi xizmati boshqarmasi, Davlat xavfsizligi xizmati Chegara qo‘shinlari  operativ qo‘mondonligi xodimlaridan iborat 6 ta terma jamoadan jami 68 nafar sportchilar ishtirok etishdi.

Xalqaro toifadagi hakamlar tomonidan baholab borilgan ushbu nufuzli musobaqa natijalariga ko‘ra 1 o‘rinni Surxondaryo viloyati IIB, 2 o‘rinni Surxondaryo viloyati DXXB, 3 o‘rinni DXX Chegara qo‘shinlari Operativ qo‘mondonligi xodimlari qo‘lga kiritishdi.

G‘oliblar O‘zbekiston Respublikasi IIV “Dinamo” Jismoniy tarbiya va sport jamiyati Surxondaryo viloyat Kengashi tomonidan diplom, medal va qimmatbaxo esdalik sovg‘alari bilan taqdirlandi.

Shu o‘rinda aytish joizki “Dinamo” jismoniy tarbiya va sport jamiyati qoshida tashkil etilgan “Kurash”, “Erkin kurash”, “DZYuDO”, “Qo‘l jang”, “Triatlon”, “Futbol”, “Yunon-Rum kurashi”, “Kombat aykido”, “Voleybol” to‘garaklarida hozirgi kunda jami 527 nafar o‘smirlar muntazam shug‘ullanishib, respublika va xalqaro musobaqalarda munosib o‘rinlarni egallab kelishmoqda.