Surxondaryo viloyati sektor rahbarlari «Dolzarb 50 kun» maxsus profilaktik tadbiri davomida amalga oshirilgan ishlar o‘rganildi.
So‘nggi bir-necha yilda jamiyatimizning barcha sohalari qatori ichki ishlar organlari faoliyati samaradorligini oshirish borasida ham muhim islohotlar amalga oshirib kelinmoqda.
Tizimda amalga oshirilayotgan sa’y-harakatlar natijasi xalq manfaatlariga
xizmat qiladigan, ularning haq-huquqlari yo‘lida dasturulamal amal bo‘la oladigan
tuzilmaga aylanmoqda, desak mubolag‘a bo‘lmaydi.
Viloyat sektor rahbarlari va mas’ullar «Dolzarb 50 kun» maxsus profilaktik
tadbiri davomida Termiz shahar hududida mahalla yettiligi, hamkor tashkilotlar tomonidan
jinoyat va huquqbuzarliklarni barvaqt oldini olish, qizil mahallar va tungi xizmatni
tashkil etilganligi o‘rganildi.
Shuningdek, mazkur tadbir doirasida viloyatda kriminogen vaziyatni barqarorlashtirish, Termiz shahrini jinoyatdan holi hududga aylantirish, jamoat tartibi va fuqarolar xavfsizligini ta’minlash, jinoyatlarni erta aniqlab oldini olish, sodir etilganlarini fosh etish, maqsadida tungi xizmatga jalb etilgan xodimlarga e’tibor qaratish, fuqarolar xavfsizligini ta’minlash maqsadida kuzatuv kameralari sonini ko‘paytirish, ularni integratsiya qilish masalalari ham muhokama qilinib, ushbu yo‘nalish bo‘yicha mas’ul rahbarlarga aniq topshiriqlar berildi.
