Surxondaryo viloyati hokimligi Tashkiliy-kadrlar guruhi rahbari, polkovnik Faxriddin Valiyevich Mengliyev "Mahalliy davlat hokimiyati organlarining huquqbuzarliklar profilaktikasi sohasidagi faoliyatini takomillashtirish (Surxondaryo viloyati misolida)" mavzuidagi dissertatsiya ishini muvaffaqiyatli himoya qildi.

Mamlakatimizda huquqbuzarliklarning barvaqt oldini olib, mahallalarda xavfsiz muhitni yaratishga qaratilgan ilmiy ish "Huquqbuzarliklar profilaktikasi. Jamoat xavfsizligini ta’minlash. Probatsiya faoliyati" ixtisosligi doirasida tayyorlangan bo‘lib, Faxriddin Mengliyevga yuridik fanlari bo‘yicha falsafa doktori (PhD) ilmiy darajasi berildi.

Faxriddin Mengliyev 2006-2021-yillarda ichki ishlar organlarida turli mas’uliyatli lavozimlarda, jumladan, tuman Ichki ishlar bo‘limi boshlig‘i va viloyat Ichki ishlar boshqarmasi boshlig‘ining o‘rinbosari sifatida samarali xizmat qilgan. 2020-yildan buyon esa Surxondaryo viloyati hokimligida faoliyat yuritmoqda.

Viloyat hokimligi jamoasi Faxriddin Mengliyevni ilmiy unvon bilan samimiy muborakbod etib,  kelgusidagi faoliyatida yangi zafarlar tilaydi.