Surxondaryo viloyati hokimi Jarqo‘rg‘on tumanida vohadagi profilaktika inspektorlari bilan uchrashdi
Joriy yilning 24 noyabr kuni Surxondaryo viloyati hududida
mahalla “yettiligi” faoliyatini namunali tashkil etish masalalariga bag‘ishlangan
seminarlardan yana biri tuman Madaniyat markazida bo‘lib o‘tdi. Surxondaryo viloyati
hokimi Ulug‘bek Qosimov rahbarligida tashkil etilgan tadbirda mahalla “yettiligi”
faoliyatida profilaktika inspektorlarining asosiy vazifalari, jinoyatchilik va huquqbuzarliklar
profilaktikasini olib borish, hududda jamoat xavfsizligini ta’minlash masalalari
sektor rahbarlari ishtirokida muhokama qilindi. Bu boradagi ishlarni jonlantirish
maqsadida samarali faoliyat yuritayotgan xodimlarni rag‘batlantirish, sustkashlikka
yo‘l qo‘yganlarga nisbatan chora ko‘rish tizimini sifatli tashkil etish chora-tadbirlari
belgilab berildi.
Tadbirda mahallalarda jinoyat va huquqbuzarliklarni barvaqt
oldini olish bo‘yicha mutlaqo yangi tizim yaratilgani, xususan, har bir mahallada
oila va shaxs kesimida jinoyatchilikning sabablarini aniqlash va ularni bartaraf
etish orqali huquqbuzarliklarning ijtimoiy profilaktikasini ta’minlash amaliyoti
joriy etilgani ta’kidlandi.
Ichki ishlar organlari tomonidan olib borilgan profilaktik
ishlar natijasida, 39 foizdan oshiqroq (284 ta) mahallalarda birorta ham jinoyat
sodir etilishiga yo‘l qo‘yilmaganligi qayd etildi.
Seminar yakunida namunali faoliyat
yuritayotgan profilaktika inspektorlari tomonidan jinoyatchilikning oldini olish
borasida amalga oshirgan ishlarining taqdimoti bo‘lib o‘tdi.
