Joriy yilning 5 avgust kuni Surxondaryo viloyati IIB boshlig‘i o‘rinbosari Ma’naviy-ma’rifiy ishlar va kadrlar bilan ta’minlash xizmati boshlig‘i podpolkovnik Sh.Shadiev ishtirokida viloyat Ichki ishlar boshqarmasi hamda shahar-tuman IIBlari shaxsiy tarkibi bilan video selektor tarzida “Mahalla – qadriyatlar maskani” mavzusida navbatdagi “Ma’naviyat va ma’rifat” darsi o‘tkazildi.

Mavzu tafsilotlari yuzasidan Termiz Davlat Universiteti tarix fanlari doktori professor T.Pardaevning ma’ruzasi tinglandi.

“Ma’naviyat va ma’rifat” darsi davomida qo‘shimcha mavzu sifatida, O‘zbekiston Respublikasi Prezidenti huzuridagi Davlat xizmatini rivojlantirish Agentligi Surxondaryo viloyati filiali bosh inspektori N.Mo‘minovning O‘zbekiston Respublikasi Vazirlar Mahkamasining 2022-yil 14-oktabrdagi “Davlat fuqarolik xizmatchilari tomonidan odob-ahloq qoidalariga rioya etilishini ta’minlash bo‘yicha qo‘shimcha chora-tadbirlar to‘g‘risida”gi 595-sonli Qarorining mazmun-mohiyati mavzusidagi ma’ruzasi tinglanib, ushbu qonunning mazmun mohiyati shaxsiy tarkib e’tibotiga yetkazildi.

Shuningdek, viloyat IIB Tashkiliy boshqarma boshlig‘ining yuridik masalalari bo‘yicha o‘rinbosari podpolkovnik Sh.Djalilovning “Saylov huquqi: inson qadriga yuksak e’tibor” mavzusidagi ma’ruzasida O‘zbekiston saylov qonunchiligiga kiritilgan o‘zgartirishlar haqidagi ma’lumotlar tinglanib, mavzu asosida tayyorlangan videorolik shaxsiy tarkib e’tiboriga havola etildi.

Shundan so‘ng, Respublika hududida ichki ishlar organlari xodimlari tomonidan sodir etilgan qonun hamda xizmat intizomi buzilish holatlari to‘g‘risida O‘zbekiston Respublikasi IIV Shaxsiy xavfsizlik bosh boshqarmasi Surxondaryo viloyati bo‘yicha boshqarmasi boshlig‘i podpolkovvnik Q.Samandarov tomonidan shaxsiy tarkibga xodimlarning xizmat intizomi hamda qonuniylikka rioya qilishlari to‘g‘risida tanqidiy fikr mulohazalarini bildirib o‘tdi.

Bundan tashqari, ba’zi xodimlarning yurish turishi, xizmat intizomi, qonunchilikka qat’iy rioya qilishi hamda fuqarolar tomonidan qilinayotgan murojaatlar bilan ishlash borasidagi xato-kamchilliklari bilan birga xatti-harakatlari tanqidiy muhokama etildi.

Shundan so‘ng, O‘zbekiston Respublikasi IIVning tegishli buyrug‘i bilan bir qator ichki ishlar organlari xodimlariga “leytenant” hamda “podpolkovnik” maxsus unvonlari berilgan bo‘lsa, viloyat IIB boshlig‘ining buyrug‘i bilan “ichki ishlar organlari tizimida turli lavozimlarda uzoq yillar samarali xizmat qilib kelgan, viloyat IIB Jamoat xavfsizligi xizmati Huquqbuzarliklar profilaktikasi boshqarmasi xodimi podpolkovnik Shokir Xo‘jamqulov” Qurolli kuchlar zahirasiga olinib, pensiyaga tantanali ravishda kuzatildi.