Joriy yilning 30 sentabr kuni Surxondaryo viloyati IIB boshlig‘i o‘rinbosari podpolkovnik Sh.F.Shadiev ishtirokida viloyati Ichki ishlar boshqarmasi shaxsiy tarkibi bilan “Sizga ta’zim –aziz ustozlar” mavzusida “Ma’naviyat va ma’rifat” darsi o‘tkazildi.

Mavzu tafsilotlari yuzasidan Termiz texnologiya va muxandislik instituti falsafa fanlari nomzodi professor X.Xudoyberdievning ma’ruzasi tinglandi.

“Ma’naviyat va ma’rifat” darsi davomida, Respublika hududida ichki ishlar organlari xodimlari tomonidan o‘tgan bir hafta davomida sodir etilgan qonun hamda xizmat intizomi buzilish holatlari to‘g‘risidagi ma’lumotlar O‘zbekiston Respublikasi IIV Shaxsiy xavfsizlik bosh boshqarmasi Surxondaryo viloyati bo‘yicha boshqarmasi mas’ul xodimi tomonidan shaxsiy tarkibga o‘qib eshittirilib, ba’zi xodimlarning yurish turishi, xizmat intizomi, qonunchilikka qat’iy rioya qilishi borasidagi xatti-harakatlari tanqid qilindi.

“Ma’naviyat va ma’rifat” dars mashg‘uloti davomida professor X.Xudoyberdievga 1 oktabr “Ustoz va murabbiylar” kuni munosabati bilan boshqarma rahbariyatining esdalik sovg‘alari topshirildi.

Shuningdek, Ichki ishlar organlarida uzoq yillar sadoqat bilan samarali xizmat qilib kelayotgan viloyat IIB Xavfsiz turizmni ta’minlash boshqarmasi jamoat tartibini saqlash guruhi inspektori podpolkovnik Salomat Kattaeva pensiyaga chiqayotganligi munosabati bilan pensiyaga kuzatish marosimi ham bo‘lib o‘tdi.

Boshqarma boshlig‘i o‘rinbosari podpolkovnik Sh.F.Shadiev pensiyaga kuzatilayotgan podpolkovnik S.Kattaevaning kelajakdagi ishlariga omad va rivoj tilab esdalik sovg‘alarini tantanali ravishda topshirdi.

Surxondaryo viloyati IIB Axborot xizmati