Joriy yilning 1 iyul kuni Surxondaryo viloyati IIB boshlig‘i o‘rinbosari Ma’naviy-ma’rifiy ishlar va kadrlar bilan ta’minlash xizmati boshlig‘i podpolkovnik Sh.Shadiev ishtirokida viloyat Ichki ishlar boshqarmasi hamda shahar-tuman IIBlari shaxsiy tarkibi bilan video selektor tarzida “Tarix – vatanparvarlik, milliy g‘urur va iftixor manbai” mavzusida navbatdagi “Ma’naviyat va ma’rifat” darsi o‘tkazildi.

Mavzu tafsilotlari yuzasidan Termiz Davlat Universiteti tarix fanlar doktori professor Toshkenboy Pardaevning ma’ruzasi tinglandi.

Shundan so‘ng, Respublika hududida ichki ishlar organlari xodimlari tomonidan sodir etilgan qonun hamda xizmat intizomi buzilish holatlari to‘g‘risida O‘zbekiston Respublikasi IIV Shaxsiy xavfsizlik bosh boshqarmasi Surxondaryo viloyati bo‘yicha boshqarmasi boshlig‘i Q.Samandarov tomonidan shaxsiy tarkibga o‘qib eshittirilib, xodimlarning xizmat intizomi hamda qonuniylikka rioya qilishlari to‘g‘risida tanqidiy fikr mulohazalarini bildirib o‘tdi.

“Ma’naviyat va ma’rifat” darsi davomida, O‘zbekiston Respublikasi Ichki ishlar vazirining tegishli buyruqlari bilan ikki nafar Ichki ishlar organlari rahbar va xodimlariga navbatdagi “podpolkovnik” maxsus unvoni hamda bir qator ichki ishlar organlari xodimlariga Ichki ishlar vazirligining qimmatbaho esdalik sovg‘alari, diplom, qo‘l soati, badiiy kitoblar jamlanmalari bilan viloyat IIB boshlig‘ining birinchi o‘rinbosari B.Inoqov tomonidan tatatantanali ravishda taqdirlanishdi.

Jarqo‘rg‘on tumanida, korrupsiyaga qarshi kurashishda xizmatdoshlariga o‘rnak bo‘lib, noqonuniy qilgan qilmishlarini pora berish evaziga ishni yopti-yopti qilishni maqsad qilgan shaxslar tomonidan uzatilgan porani rad qilib, qonuniy chora ko‘rishni afzal bilgan profilaktika inspektoriga va’da qilingan pul miqdoridagi summa mukofot tariqasida tantanali ravishda topshirildi.

Bundan tashqari O‘zbekiston Respublikasi Prezidentining “Ichki ishlar organlari profilaktika inspektorlarining yuridik yo‘nalishdagi bilimlarini oshirish bo‘yicha qo‘shimcha chora-tadbirlar to‘g‘risida” 2021 yil 30 noyabrdagi PQ–23-son qaroriga muvofiq, O‘zbekiston Respublikasi IIVning 2021 yil 27 dekabr kunidagi tegishli buyrug‘i bilan tasdiqlangan Nizom talablari asosida Jamoat xafsizligi universiteti, Toshkent davlat yuridik unversiteti hamda yurisprudensiya sohasida bakalavriat ta’lim yo‘nalishi mavjud bo‘lgan boshqa davlat oliy ta’lim muassasalari sirtqi ta’lim shakliga tavsiyanoma olish istagini bildirgan Surxondaryo viloyati IIB Jamoat xavfsizligi xizmati Huquqbuzarliklar profilaktikasi bo‘linmalarida xizmat olib borayotgan 11 nafari yuqori natijalarga erishganligi uchun tavsiyanomalar berildi.

“Ma’naviyat va ma’rifat” darsi davomida Surxondaryo viloyati IIB boshlig‘i o‘rinbosari podpolkovnik Sh.Shadiev tomonidan Joriy yilning 1 iyul kunidan 31 iyul kuniga qadar Respublikaning barcha hududlarida “Kibermadaniyatni yuksaltirish oyligi - “Cyber month” doirasida targ‘ibot-tashviqot tadbirlarini yuqori saviyada o‘tkazishga qaratilgan kompleks chora-tadbirlar o‘tkazilishi belgilanganligi munosabati bilan ushbu oylikda barcha shaxsiy tarkib faol ishtirok etishga chorlab, oylik doirasida barcha aholi qatlamlari o‘rtasida targ‘ibot va tashviqot ishlarini olib borishlari uqtirildi.

Shuningdek, viloyati IIB boshlig‘i o‘rinbosari podpolkovnik Sh.Shadiev tomonidan ba’zi xodimlarning yurish turishi, xizmat intizomi, qonunchilikka qat’iy rioya qilishi hamda fuqarolar tomonidan qilinayotgan murojaatlar bilan ishlash borasidagi xato-kamchilliklari bilan birga xatti-harakatlari tanqidiy muhokama qilindi.