O‘zbekiston Respublikasi Prezidentining 2022 yil 8 fevral kunidagi “Ichki ishlar organlarining ekspert – kriminalistika faoliyatini zamonaviy ilm- yanada takomillashtirish chora-tadbirlari to‘g‘risida”gi PQ-122 son qarori hamda O‘zbekiston Respublikasi IIVning 2022 yil 27 aprel kunidagi “Ichki ishlar organlari tizimida “Eng namunali ekspert-kriminalistika jamoasi” va “Eng yaxshi ekspert-kriminalist” ko‘rik tanlovlarini o‘tkazish to‘g‘risida”gi tegishli buyruqlari talablari asosida kuni kecha, Surxondaryo viloyati IIB hamda shahar-tuman IIB Ekspert-kriminalistika xodimlari o‘rtasida “Eng yaxshi ekspert-kriminalist” ko‘rik tanlovining viloyat bosqichi o‘tkazildi.

O‘tkazilgan ko‘rik tanlovda ishtirokchilar, o‘z sohalari bo‘yicha intellektual salohiyatlari, jismoniy va jangovar tayyorgarligi hamda xizmatga oid me’yoriy hujjatlarning yuritilishi bo‘yicha yakka tartibdagi suhbatlar asosida o‘z tajriba va ko‘nikmalarini namoyish etgan bo‘lsalar, malakaviy bilimlarini test jarayonlarida namoyon etishdi.

Ko‘rik tanlov natijalariga ko‘ra, birinchi o‘rinni viloyat IIB Ekspert-kriminalistika markazi bosh eksperti podpolkovnik Istamjon Alimov, ikkinchi o‘rinni Termiz shahar IIB Ekspert-kriminalistika guruhi katta eksperti katta leytenant Islom Norbekov qo‘lga kiritgan bo‘lsa, Termiz tumani IIB Ekspert-kriminalistika guruhi katta eksperti katta leytenant Isomiddin Jo‘raev uchinchi o‘ringa munosib deb topildi.

G‘oliblikni qo‘lga kiritgan ishtirokchilar ko‘rik-tanlovning Respublika bosqichiga yo‘llanmasini qo‘lga kiritishdi.