Joriy yilning 26 avgust kuni Surxondaryo viloyati IIB boshlig‘i o‘rinbosari Ma’naviy-ma’rifiy ishlar va kadrlar bilan ta’minlash xizmati boshlig‘i podpolkovnik Sh.Shadiev ishtirokida viloyat Ichki ishlar boshqarmasi hamda shahar-tuman IIBlari shaxsiy tarkibi bilan video selektor tarzida “Millat fidoyilari (31 avgust- Qatag‘on qurbonlarini yod etish etish kuni)” mavzusida navbatdagi “Ma’naviyat va ma’rifat” darsi o‘tkazildi.

Mavzu tafsilotlari yuzasidan Termiz Davlat Universiteti Jaxon tarix kafedrasi katta o‘qituvchisi, tarix fanlari bo‘yicha falsafa doktori I.Umarovning ma’ruzasi tinglandi.

Shundan so‘ng, Respublika hududida ichki ishlar organlari xodimlari tomonidan sodir etilgan qonun hamda xizmat intizomi buzilish holatlari to‘g‘risida O‘zbekiston Respublikasi IIV Shaxsiy xavfsizlik bosh boshqarmasi mas’ul xodimi tomonidan shaxsiy tarkibga xodimlarning xizmat intizomi hamda qonuniylikka rioya qilishlari to‘g‘risida tanqidiy fikr mulohazalarini bildirib o‘tdi.

Bundan tashqari, boshqarma boshlig‘i o‘rinbsari podpolkovnik Sh.Shadiev tomonidan ba’zi xodimlarning yurish turishi, xizmat intizomi, qonunchilikka qat’iy rioya qilishi hamda fuqarolar tomonidan qilinayotgan murojaatlar bilan ishlash borasidagi xato-kamchilliklari bilan birga xatti-harakatlari tanqidiy muhokama etildi.

Shundan so‘ng, viloyat IIB boshlig‘ining buyrug‘i bilan viloyat IIB Tezkor vazifalarni bajaruvchi safarbar otryadi komandiri podpolkovnik Bahodir Nazarov hamda viloyat IIB boshlig‘ining buyrug‘i bilan viloyat IIB Tezkor vazifalarni bajaruvchi safarbar otryadi katta mutaxassisi katta serjant Ixtiyor Layloqovlar “Qurolli kuchlar zahirasi”ga olinib, pensiyaga tantanali ravishda kuzatildi.