Ertangi kunimiz egalari bo‘lgan yosh avlodni har tomonlama qo‘llab-quvvatlash, taklif va murojaatlarini tinglash, kasb-hunarga o‘qitish hamda bandligini taminlash, bir so‘z bilan aytganda, ularni ertangi kunga ishonch va Vatanga sadoqat ruhida tarbiyalash, bugungi kunning eng dolzarb mavzularidan biri ekanligi hech kimga sir emas.

2024 yilning 12 yanvar kuni, O‘zbekiston Respublikasi Prezidenti Sh.M.Mirziyoev tomonidan o‘tkazilgan Xavfsizlik kengashi yig‘ilishida belgilab berilgan vazifalar hamda “2024-yil – Yoshlar va biznesni qo‘llab-quvvatlash yili” deb e’lon qilinganligi munosabati bilan, Surxondaryo viloyati Ichki ishlar boshqarmasiga biriktirilgan yoshlar bilan ishlash tizimi joriy etilgan bo‘lib, Surxondaryo viloyati IIB boshlig‘ining  birinchi  o‘rinbosari Baxtiyor Inoqov hamda viloyat IIB Tezkor qidiruv xizmati Jinoyat qidiruv boshqarmasi boshlig‘i Sherqo‘zi Sattorovlar mas’ul etib qo‘yilgan yoshlarning bo‘sh vaqtlarini mazmunli o‘tkazish maqsadida ma’naviy- ma’rifiy tadbirlar tashkil etilmoqda.

Boshqarma ma’sul xodimlari tomonidan kuni kecha Termiz shahar 1- hamda 2-sonli umumiy o‘rta ta’lim maktablarida tahsil olayotgan o‘quvchilar ishtirokida  Sherobod tumani hududida joylashgan Abu Iso At-Termiziy yodgorligiga sayohat amalga oshirildi.

Abu Iso at-Termiziy yodgorlik majmuasi, tarixiy-me’moriy obidalardan sayyohlar oqimi uzilmaydi albatta. Manzilda o‘quvchi yoshlar buyuk muhaddis Olim Abu Iso at-Termiziy hayot yo‘li haqidagi ko‘plab ma’lumotlarga ega bo‘lishdi

Keyingi manzil, Buyuk ipak yo‘li chorrahasida joylashgan Surxon vohasining tashrif qog‘ozlaridan biri bo‘lmish Sulton Saodat ziyoratgohi bo‘ldi.

Ajdodlarimiz yaratgan bebaho qadriyatlar, turfa urf-odat va an’analar, nodir me’moriy va tarixiy ahamiyatga molik obidalar yoshlar qalbida o‘tmish tarixga bo‘lgan qiziqish shakillanishida muxim ahamiyat kasb etadi.