Kuni kecha o‘tkazilgan targ‘ibot tadbirida Surxondaryo viloyati Ichki ishlar boshqarmasi boshlig‘i o‘rinbosari Sh.Shadiev, sohaviy xizmat rahbarlari va shaxsiy tarkibi ishtirok etdi.

Mavzu yuzasidan viloyat IIB Tezkor qidiruv xizmati Jinoyat qidiruv boshqarmasi Korrupsiya va iqtisodiy jinoyatlarga qarshi kurashish bo‘limi mas’ul xodimining ma’ruzasi tinglandi. Unda “Korrupsiya” tushunchasi, Korrupsion jinoyatlarning kelib chiqishi va ularning rivojlanishi, tarixdan korrutsion jinoyatlarga qarshi kurashish borasida amalga oshirilgan ishlar haqida so‘z yuritildi.

Bundan tashqari, Korrupsiyaga qarshi kurashga oid xalqaro standartlar tizimi haqida ham fikr yuritilib, bunda BMTning 2003 yil 31 oktabrdagi “Korrupsiyaga qarshi” konvensiyasi O‘zbekiston Respublikasi tomonidan 2008 yil 7 iyulda qabul qilingan, Iqtisodiy hamkorlik va rivojlanish tashkiloti doirasida 2003 yil qabul qilingan korrupsiyaga qarshi kurashning Istanbul rejasiga O‘zbekiston 2010 yilning mart oyida qo‘shilganligi, Gongkongda korrupsiyaga qarshi kurash siyosatining yo‘nalishlariga birma bir to‘xtalib o‘tildi.

Shuningdek, 2023 yilda Ta’lim tizimi Avtomaktablar, Davlat xizmatlari markazi, Tibbiyot, Bank, hokim yordamchisi va ta’minotchilar,  Obodonlashtirish boshqarmasi, O‘zini o‘zi boshqarish organlari bilan bog‘liq korrupsion holatlar yuzasidan ma’lumotlar berildi.