So‘ngi yillarda mamlakatimizda keksa avlod vakillarini ijtimoiy qo‘llab-quvvatlash, ularni sog‘lomlashtirish ishlarini samarali tashkil etish va bo‘sh vaqtlarini mazmunli o‘tkazish, ijtimoiy hayotdagi faolliklarini oshirish hamda marxum ustozlari nomini abadiylashtirish borasida qator ishlar amalga oshirilmoqda.

Shu munosabat bilan, Ichki ishlar Vazirining 2024 yil 29 may kunidagi tegishli farmoyishi ijrosini ta’minlash maqsadida hamda ichki ishlar organlari faxriysi marhum mayor Jumanazar Xolto‘raev xotirasiga bag‘ishlab, Surxondaryo viloyati Ichki ishlar boshqarmasi, Qumqo‘rg‘on tumani hokimligi va marhum ustozning farzandlari bilan hamkorlikda Ichki ishlar idoralarida uzoq yillar samarali faoliyat olib borib, bugungi kunda nafaqa gashtini surayotgan barcha shahar-tuman IIBlari Faxriy xodimlari ishtirokida, joriy yilning 11 may kuni sportning “Mini futbol” turi bo‘yicha musobaqa tashkil etildi.

Musobaqa avvalida Qumqo‘rg‘on tumani hokimi A.Normamatov so‘zga chiqib, barcha yig‘ilganlarni bayram bilan tabriklab, musobaqa ishtirokchilariga bugungi o‘yinda omad tiladi. Shundan so‘ng

IIB faxriylari ham so‘zga chiqishib, musobaqa ishtirokchilariga marhum Jumanazar Xolto‘raev xotirasiga iliq so‘zlar bildirishdi.

Shundan so‘ng sportning “Mini futbol” musobaqasiga start berildi. Musobaqa qizg‘in va murosasiz hujumlarga boy tarzda kechdi. Musobaqa natijalariga ko‘ra 3 o‘rinni Boysun tumani IIB faxriylar jamoasi, 2 o‘rinni Termiz shahar IIB faxriylar jamoasi qo‘lga kiritgan bo‘lsa, musobaqaning mutloq g‘olibligini Qumqo‘rg‘on tumani IIB faxriylar jamoasi qo‘lga kiritishdi.

G‘olib jamoalar viloyat IIB boshlig‘i, Qumqo‘rg‘on tumani hokimligi hamda homiylarning kubogi, diplom, medal va qimmatbaho esdalik sovg‘alar bilan taqdirlanishdi.

Turnir yakunida musobaqa mehmonlari va faxriy ustozlar uchun bayram dasturxoni tashkil etildi.