So‘nggi yillarda, Muhtaram Prezidentimiz boshchiligida mamlakatimizda tinchlik-osoyishtalikni ta’minlash va har bir fuqaroning qonuniy haq-huquqlarini himoya qilish borasida keng qamrovli islohotlar amalga oshirildi.

Ayniqsa, ichki ishlar organlari uchun mutaxassislar tayyorlashning mutlaqo yangi tizimini joriy etish, xodimlarning malakasiga qarab xizmat bo‘yicha o‘sishni ta’minlash, shuningdek, kuch va vositalarni samarali boshqarishda rahbar kadrlarning intellektual va professional salohiyatini yanada oshirish maqsadida ichki ishlar organlari uchun professional kadrlarni tayyorlashning sifat jihatidan yangi tizimini joriy etish bo‘yicha chora-tadbirlar to‘g‘risida qarorlari qabul qilindi.

Ushbu qaror asosida, Ichki ishlar vazirligi Akademiyasida ichki ishlar organlari uchun mutaxassis kadrlarni tayyorlash yuzasidan olib borilayotgan keng ko‘lamli islohotlar bunga yaqqol misol bo‘la oladi.

Surxondaryo viloyati Ichki ishlar boshqarmasi majlislar zalida 2024 yil 5-fevral kuni, O‘zbekiston Respublikasi Ichki ishlar vazirining 2019-yil 30-sentabrdagi “Ichki ishlar vazirligi Akademiyasi kursant va tinglovchilarining ichki ishlar organlarida amaliyotlarini tashkil etish to‘g‘risida”gi buyrug‘i talablari ijrosini ta’minlash hamda amaliyotni yuqori saviyada tashkil etish maqsadida 2024-yilning 5-fevral kunidan 12-may kuniga qadar viloyat Ichki ishlar boshqarmasining sohaviy xizmatlari hamda barcha shahar-tuman ichki ishlar bo‘limlarida Ichki ishlar vazirligi Akademiyasining kunduzgi ta’lim 3-o‘quv kursi kursantlarining bitiruv malakaviy ish o‘rganish amaliyotini tashkil etish bo‘yicha yig‘ilish o‘tkazildi.

Yig‘ilishda IIV Shaxsiy xavfsizlik bosh boshqarmasi Surxondaryo viloyati bo‘yicha boshqarmasi boshlig‘i, Surxondaryo viloyati IIB MMI va KBTX boshlig‘ining o‘rinbosari, sohaviy xizmatlar boshliqlari, kadrlar bilan ta’minlash bo‘limlari xodimlari, shahar-tuman IIB boshlig‘ining o‘rinbosarlari, IIV Akademiyasi HPB kafedrasi o‘qituvchisi, Surxondaryo viloyati Faxriylar kengashi a’zolari, IIV Akademiyasi kunduzgi ta’lim 3-o‘quv kursining 42 nafar kursantlari hamda ularning ota-onalari ishtirok etishdi.

Mazkur yig‘ilish davomida, viloyat Ichki ishlar boshqarmasi rahbariyati tomonidan Ichki ishlar vazirligi Akademiyasining kunduzgi ta’lim 3-o‘quv kursi kursantlarining bitiruv malakaviy ish o‘rganish amaliyoti davrida shaxsiy xavfsizlik choralariga, fuqarolar bilan muloqotda odob-axloq, xizmat intizomi, qonunchilikka qat’iy rioya etishlari bo‘yicha tegishli yo‘riqnomalar hamda kursantlarga amaliyot dasturini muvaffaqiyatli bajarishlari, amaliyot faoliyatiga taalluqli ko‘nikmalarni shakllantirishlari, mutaxassislik bo‘yicha mustahkam kasb mahoratini egallashlari va takomillashtirishlari, ijtimoiy, tarbiyaviy hamda tashkilotchilik faoliyati tajribasini orttirishlari uchun zaruriy sharoitlar yaratib berilishi bo‘yicha mutasaddi rahbarlarga tegishli ko‘rsatmalar berildi.

Bitiruv malakaviy ish o‘rganish amaliyoti yakunida kursantlardan komissiya tarkibida sinovlar qabul qilinib, har bir kursantning faoliyatiga xolisona baho berilishi, O‘zbekiston Respublikasi IIV faoliyatini takomillashtirishga oid buyruq, ko‘rsatma va normativ-huquqiy hujjatlarni mukammal ravishda o‘rganib, ulardan o‘zining kundalik xizmat faoliyatida to‘g‘ri va to‘liq foydalanib, ushbu buyruq va ko‘rsatmalarning talablari asosida xizmat olib borishlari, o‘zlariga yuklatilgan xizmat vazifalariga vijdonan yondoshib, fuqarolarning huquq va erkilliklari, xavfsizligini ta’minlash, jamoat tartibini saqlash va sodir etilgan jinoyatlarni fosh etishga qaratilgan turli tezkor-qidiruv tadbirlarda faol ishtirok etishlari to‘g‘risida uqtirib o‘tildai.

O‘qish faoliyati davomida yaxshi natijalarga erishgan bir guruh kursantlar va ularning ota-onalariga IIV Akademiyasi hamda Surxondaryo viloyati IIB rahbariyati nomidan minnatdorchiliklar bildirildi.

Yig‘ilish yakunida ichki ishlar Faxriylar kengashi a’zolari o‘zlarining faoliyatlari davomida orttirgan tajribalari bilan o‘rtoqlashib, kursantlarning o‘qish va ishlariga omadlar tiladi.