Joriy yilning 10 fevral kuni viloyat IIB boshlig‘i o‘rinbosari, Ma’naviy-ma’rifiy ishlar va kadrlar bilan ta’minlash xizmati boshlig‘i Sherzod Shadiev ishtirokida viloyat Ichki ishlar boshqarmasi hamda shahar-tuman IIBlari shaxsiy tarkibi bilan video selektor tarzida “Navoiy merosi-millat xazinasi” mavzusida navbatdagi “Ma’naviyat va ma’rifat” darsi o‘tkazildi.

Mavzu tafsilotlari yuzasidan, Termiz Davlat Universiteti qoshidagi Akademik litseyi tarix fani bosh o‘qituvchisi Jahongir Usmonovning ma’ruzasi tinglandi.

O‘Zbekiston Respublikasi IIV tomonidan taqdim qilingan hafta davomida yurtimizda va xorijda ro‘y berayotgan ahamiyatga molik voqealar tavfsiloti bo‘yicha video rolik shaxsiy tarkib e’tiboriga havola etildi.

Shundan so‘ng, Respublika hududida ichki ishlar organlari xodimlari tomonidan sodir etilgan qonun hamda xizmat intizomi buzilish holatlari to‘g‘risida O‘zbekiston Respublikasi IIV Shaxsiy xavfsizlik bosh boshqarmasi Surxondaryo viloyati bo‘yicha boshqarmasi boshlig‘i podpolkovnik Q.Samandarov tomonidan shaxsiy tarkibga xodimlarning xizmat intizomi hamda qonuniylikka rioya qilishlari to‘g‘risida tanqidiy fikrlar bildirildi.

Bundan tashqari, boshqarma boshlig‘i o‘rinbosari Sh.Shadiev tomonidan ba’zi xodimlarning yurish turishi, xizmat intizomi, qonunchilikka qat’iy rioya qilishi hamda fuqarolar tomonidan qilinayotgan murojaatlar bilan ishlash borasidagi xato-kamchilliklari bilan birga xatti-harakatlari tanqidiy muhokama etildi. Shuningdek, viloyat hududida huquqbuzarlik va jinoyatchilikning barvaqt oldini olish borasida amalga oshirilishi lozim bo‘lgan chora tadbirlar borasida tegishli topshiriqlar berildi.

Shuningdek, bir guruh ichki ishlar organlari xodimlariga Ichki ishlar vazirining tegishli buyrug‘i bilan navbatdagi maxsus unvonlari hamda Eron islom Respublikasining Tehron shahrida sportning “Milliy kurash” turi bo‘yicha bo‘lib o‘tgan “Osiyo chempionati”da faxrli birinchi o‘rinni qo‘lga kiritgan viloyat IIB Tezkor vazifalarni bajaruvchi safarbar otryadi xodimi katta serjant Shermuhammad Jandreevga pul mukofoti tantanali ravishda topshirildi.

Shu bilan birga fuqarolar tomonidan taklif etilgan porani olishdan rad etib, xizmatdoshlariga o‘rnak ko‘rsatib, korrupsiyaga murosasizlik bilan qarshi kurashishda o‘z hissalarini qo‘shgan bir guruh ichki ishlar organlari xodimlari viloyat IIBning pul mukofoti hamda qimmatbaho sovg‘alari bilan munosib ravishda rag‘batlantirildi.