Surxondaryo viloyati IIBda aholi murojaatlari bilan ishlash yo‘nalishida o‘quv seminari tashkil etildi.
Surxondaryo viloyati IIB Tashkiliy boshqarma Tezkor boshqaruv markazi Navbatchilik
qismi, 102-xizmati hamda barcha shahar-tuman IIBlarning Navbatchilik qismi, murojaatlar
bilan ishlash guruhi xodimlari ishtirokida "Ye-material" va
"102" xizmatlaridan kelib tushayotgan murojaatlarni to‘g‘ri malakalash
hamda ijrochiga tezkorlik bilan yetkazish maqsadiga qaratilgan videoselektor tarzidagi o‘quv seminar tashkil etildi.
O‘quv seminari davomida, ma’ruzachilar fuqarolar tomonidan kelib tushayotgan
murojaatlarni to‘g‘ri va samarali malakalash hamda tezkorlik bilan ijroga qaratish,
murojaatlarning ijro natijalarini belgilangan muddatlarda, murojaatchilarni xabardor
qilish yoki ularga javob xatlarini fuqaroga tushunarli tarzda yetkazish, bu borada
mas’ul va ijrochi xodimlar tomonidan yo‘l qo‘yib kelayotgan kamchilliklar misollar
bilan keltirildi.
Shuningdek, o‘quv seminari davomida xodimlarga huquqbuzarlik hamda jinoyatlarning
to‘g‘ri malakalanishlaridan tashqari, birinchi navbatda aholi xavfsizligini ta’minlash,
huquqbuzarlik va jinoyatchilikning barvaqt oldini olish, jamoat tartibini saqlash
bo‘yicha tegishli tavsiya hamda ko‘rsatmalar ham berildi.
O‘quv seminar ishtirokchilari o‘zlarini qiziqtirgan
savollariga javoblar olishdi.
