Joriy yilning 27 yanvar kuni viloyat IIB boshlig‘i o‘rinbosari, Ma’naviy-ma’rifiy ishlar va kadrlar bilan ta’minlash xizmati boshlig‘i Sherzod Shadiev ishtirokida viloyat Ichki ishlar boshqarmasi hamda shahar-tuman IIBlari shaxsiy tarkibi bilan video selektor tarzida “So‘z, fikr va  axborot erkinligi” mavzusida navbatdagi “Ma’naviyat va ma’rifat” darsi o‘tkazildi.

Mavzu tafsilotlari yuzasidan, O‘zbekiston Respublikasi Prezidenti Adminstratsiyasi huzuridagi Axborot va Ommaviy kommunikatsiyalar agentligi Surxondaryo viloyati boshqarmasi bosh mutaxassisi Odil Xudoyqulovning ma’ruzasi tinglandi.

Shuningdek, IIV tomonidan taqdim qilingan hafta davomida yurtimizda va xorijda ro‘y berayotgan ahamiyatga molik voqealar tavfsiloti bo‘yicha video rolik shaxsiy tarkib e’tiboriga havola etildi.

Shundan so‘ng, Respublika hududida ichki ishlar organlari xodimlari tomonidan sodir etilgan qonun hamda xizmat intizomi buzilish holatlari to‘g‘risida O‘zbekiston Respublikasi IIV Shaxsiy xavfsizlik bosh boshqarmasi Surxondaryo viloyati bo‘yicha boshqarmasi boshlig‘i podpolkovnik Q.Samandarov tomonidan shaxsiy tarkibga xodimlarning xizmat intizomi hamda qonuniylikka rioya qilishlari to‘g‘risida tanqidiy fikrlar bildirildi.

Bundan tashqari, boshqarma boshlig‘i o‘rinbosari Sh.Shadiev tomonidan ba’zi xodimlarning yurish turishi, xizmat intizomi, qonunchilikka qat’iy rioya qilishi hamda fuqarolar tomonidan qilinayotgan murojaatlar bilan ishlash borasidagi xato-kamchilliklari bilan birga xatti-harakatlari tanqidiy muhokama etildi. Shuningdek, viloyat hududida huquqbuzarlik va jinoyatchilikning barvaqt oldini olish borasida amalga oshirilishi lozim bo‘lgan chora tadbirlar borasida tegishli topshiriqlar berildi.

Shuningdek, xizmat faoliyati davomida rahbariyat tomonidan berilgan topshiriqlarni vijdonan bajarib, safdoshlariga o‘rnak bo‘lib kelayotgan viloyat IIB Tezkor qidiruv xizmati Kiberxavfsizlik bo‘limi xodimi D.Ibragimovning ota-onasiga O‘zbekiston Respublikasi ichki ishlar Vazirining “Minnatdorchilik” nomasi tantanali ravishda topshirildi.