Joriy yilning 18 avgust kuni viloyat IIB boshlig‘i o‘rinbosari, podpolkovnik Uchqun Yakubov hamda  viloyat IIB Ma’naviy-ma’rifiy ishlar va kadrlar bilan ta’minlash xizmati boshlig‘i o‘rinbosari mayor Nodir Xoliqovlar ishtirokida viloyat Ichki ishlar boshqarmasi hamda shahar-tuman IIBlari shaxsiy tarkibi bilan video selektor tarzida “Yo‘l harakati qoidalariga rioya qilish xavfsizlik kafolati” darsi o‘tkazildi.

Mavzu tafsilotlari yuzasidan, Termiz davlat muhandislik va agrotexnologiyalar universiteti “Transport muhandisligi va logistikasi” kafedrasi o‘qituvchisi, Aslidin Abdirashidovning ma’ruzasi tinglandi.

Respublika hududida ichki ishlar organlari xodimlari tomonidan sodir etilgan qonun hamda xizmat intizomi buzilish holatlari to‘g‘risida O‘zbekiston Respublikasi IIV Shaxsiy xavfsizlik bosh boshqarmasi Surxondaryo viloyati bo‘yicha boshqarmasi ma’sul xodimi tomonidan shaxsiy tarkibga xodimlarning xizmat intizomi hamda qonuniylikka rioya qilishlari to‘g‘risida ma’lumotlar berilib tanqidiy fikrlar bildirildi.

Bundan tashqari, IIV tomonidan yuborilgan tegishli ko‘rsatma va topshiriqlar yetkazilib, jinoyatchilik va huquqbuzarliklarni oldini olish, xizmat intizomi, qonunchilikka qat’iy rioya qilish hamda fuqarolar tomonidan qilinayotgan murojaatlar bilan ishlash borasidagi xato-kamchilliklari bilan birga xatti-harakatlari tanqidiy muhokama etilib, shaxsiy tarkibning jingovar shayligi, bilim saviyasini yanada oshirish borasida amalga oshirilishi lozim bo‘lgan chora-tadbirlar haqida tanqidiy fikrlar bildirildi.

Shu bilan bir qatorda jamiyatda korrupsion jinoyatlarga murosasiz kurash olib borishda, safdoshlariga o‘rnak bo‘lib xizmat qilib kelayotgan Qumqo‘rg‘on tumani IIB Jamoat xavfsizligi xizmati Huquqbuzarliklar profilaktikasi bo‘limi, profilaktika inspektori viloyat IIB boshlig‘ining tegishli buyrug‘i bilan pul mukofoti tantanali ravishda topshirildi.