Joriy yilning 15 sentabr kuni viloyat IIB boshlig‘i o‘rinbosari, podpolkovnik Sherzod Shadiev ishtirokida viloyat Ichki ishlar boshqarmasi hamda shahar-tuman IIBlari shaxsiy tarkibi bilan video selektor tarzida “Intizom va qonuniylik – xizmatning asosiy qoidasi” darsi o‘tkazildi.

Mavzu tafsilotlari yuzasidan, viloyat IIB Ma’naviy-ma’rifiy ishlar va kadrlar bilan ta’minlash xizmati boshlig‘i o‘rinbosari, mayor Nodir Xoliqovning ma’ruzasi tinglandi.

Shuningdek, ma’naviyat va ma’rifat darsi davomida, O‘zbekiston Respublikasi Vazirlar Mahkamasining “Ichki ishlar organlari xodimlarining kasbiy, jismoniy va jangovar tayyorgarligini takomillashtirish orqali sohada malaka salohiyatini yanada oshirish bo‘yicha qo‘shimcha chora-tadbirlar to‘g‘risida” 2025 yil 25 avgust kunidagi VM-536-sonli Qarori mazmun mohiyati viloyat IIB Ma’naviy-ma’rifiy ishlar va kadrlar bilan ta’minlash xizmati boshlig‘i o‘rinbosari, mayor Husan Nurmatov tomonidan yana bir bor o‘qib eshittirildi.

Respublika hududida ichki ishlar organlari xodimlari tomonidan sodir etilgan qonun hamda xizmat intizomi buzilish holatlari to‘g‘risida O‘zbekiston Respublikasi IIV Shaxsiy xavfsizlik bosh boshqarmasi Surxondaryo viloyati bo‘yicha boshqarmasi ma’sul xodimi tomonidan shaxsiy tarkibga xodimlarning xizmat intizomi hamda qonuniylikka rioya qilishlari to‘g‘risida ma’lumotlar berilib tanqidiy fikrlar bildirildi.

Bundan tashqari, viloyat IIB Tashkiliy boshqarma boshlig‘ining Yuridik masalalar bo‘yicha o‘rinbosari, podpolkovnik Murod Shaymardonov tomonidan O‘zbekiston Respublikasi Ichki ishlar vazirligi tomonidan yangi qabul qilingan normativ huquqiy hujjatlarning mazmun mohiyati, hujjatlarni yuritish tartib qoidalari tushuntirildi.

Shu bilan bir qatorda, IIV tomonidan yuborilgan tegishli ko‘rsatma va topshiriqlar yetkazilib, jinoyatchilik va huquqbuzarliklarni oldini olish, xizmat intizomi, qonunchilikka qat’iy rioya qilish hamda fuqarolar tomonidan qilinayotgan murojaatlar bilan ishlash borasidagi xato-kamchilliklari bilan birga xatti-harakatlari tanqidiy muhokama etilib, shaxsiy tarkibning jingovar shayligi, bilim saviyasini yanada oshirish borasida amalga oshirilishi lozim bo‘lgan chora-tadbirlar haqida tanqidiy fikrlar bildirildi.

Shu bilan bir qatorda, ichki ishlar organlari tizimida samarali xizmat qilgan podpolkovnik Samar Rashidov “Ichki ishlar organlarida xizmatni o‘tash tartibi to‘g‘risida”gi nizom talablariga muvofiq Qurolli Kuchlar rezerviga olinib, tantanali ravishda pensiyaga kuzatilgan bo‘lsa, O‘zbekiston Respublikasi Ichki ishlar vazirining tegishli buyrug‘i bilan Termiz shahar Ichki ishlar boshqarmasi Faxriylar kengashi raisi iste’fodagi mayor Abduxalim Abduxalilov 1 senyatbr- “Mustaqillik kuni” bayrami munosabati bilan “Ichki ishlar organlarining faxriy xodimi” ko‘krak nishoni bilan taqdirlandi. Ushbu ko‘krak nishoni boshqarma boshlig‘i o‘rinbosari tomonidan tantanali ravishda topshirildi.