Joriy yilning 12 may kuni viloyat IIB boshlig‘i birinchi o‘rinbosari, Baxtiyor Inoqov ishtirokida viloyat Ichki ishlar boshqarmasi hamda shahar-tuman IIBlari shaxsiy tarkibi bilan video selektor tarzida Oila-muqaddas dargoh! (15-may “Xalqaro oila kuni”) mavzusida ma’naviyat va ma’rifat darsi o‘tkazildi.

Mavzu tafsilotlari yuzasidan, Termiz shahar hokimi o‘rinbosari Oila va xotin-qizlar bo‘limi boshlig‘i Gulnora Rahmonovaning ma’ruzasi tinglandi.

Shundan so‘ng, O‘zbekiston Respublikasi Prezidentining 2025-yil 14-fevral kunidagi “O‘zbekiston Qurolli kuchlarining harbiy nizomlarini tasdiqlash to‘g‘risida”gi PF-23-son Farmoni mazmun-mohiyati yuzasidan viloyat IIB Ma’naviy-ma’rifiy ishlar va kadrlar bilan ta’minlash xizmati Jismoniy va jangovar tayyorgarlik bo‘limi boshlig‘i mayor Xusan Nurmatov tomonidan mazkur farmonning ichki ishlar organlari xodimlari xizmat o‘tashlari davomida foydalanishi hamda amal qilishi lozim bo‘lgan talab va tavsiyalar tushuntirildi.

Shuningdek, O‘zbekiston Respublikasi Prezidentining 2025-yil 30-aprel kunidagi “Axborot texnologiyalari yordamida sodir etiladigan jinoyatlarga qarshi kurashish faoliyatini yanada kuchaytirishga qaratilgan chora-tadbirlar to‘g‘risi”gi 153-sonli Qarori va mazmun-mohiyati yuzasidan viloyat IIB Tezkor-qidiruv xizmati kiberxavfsizlik bo‘limi ma’sul xodimining ma’ruzasi tinglandi.

Ma’naviyat va ma’rifat darsi davomida, O‘zbekiston Respublikasi Prezidentining 2025-yil 30-apreldagi “Ichki ishlar orgoanlari tizimini raqamli transformatsiya qilish bo‘yicha kompleks chora-tadbirlar to‘g‘risida”gi 155-sonli Qarori mazmun mohiyati hamda mazkur qaror doirasida amalga oshirilishi lozim bo‘lgan chora - tadbirlar hususida viloyat IIB Axborot texnologiyalari, aloqa va axborotni himoyalash bo‘limi bosh inspektori, mayor Abror Rahimov tomonidan so‘z yuritildi.

Shu bilan birga O‘zbekiston Respublikasi Vazirlar Mahkamasining 2025 yil 6 may kunidagi 296-sonli qarori bilan “Yo‘l harakati qoidabuzarliklarni jarima ballari asosida baholash tartibi to‘g‘risida”gi nizom tasdiqlanganligi hamda mazkur Nizomning mazmun mohiyati hususida viloyat IIB Tashkiliy boshqarma yuridik ta’minlash guruhi yetakchi yuriskonsulti podpolkovnik Murod Shaymardanovning ma’ruzalari tinglandi.

Bundan tashqari, Respublika hududida ichki ishlar organlari xodimlari tomonidan sodir etilgan qonun hamda xizmat intizomi buzilish holatlari, korrupsion jinoyatlarga murosasizlik bilan kurash olib borish, shaxsiy tarkibga xodimlarning xizmat intizomi hamda qonuniylikka rioya qilishlari to‘g‘risida tanqidiy fikrlar bildirildi.

Bundan tashqari, boshqarma boshlig‘i o‘rinbosari B.Inoqov tomonidan ba’zi xodimlarning yurish turishi, xizmat intizomi, qonunchilikka qat’iy rioya qilishi hamda fuqarolar tomonidan qilinayotgan murojaatlar bilan ishlash borasidagi xato-kamchilliklari bilan birga xatti-harakatlari tanqidiy muhokama etildi. Shuningdek, viloyat hududida huquqbuzarlik va jinoyatchilikning barvaqt oldini olish borasida amalga oshirilishi lozim bo‘lgan chora tadbirlar borasida tegishli topshiriqlar berildi.

Shuningdek, 9-may Xotira va qadrlash kuni munosabati bilan Ichki ishlar vazirining tegishli buyrug‘i asosida, Muzrabot tumani Ichki ishlar bo‘limi faxriylar kengashi a’zosi iste’fodagi mayor Boyqobil Bekmurodov Ichki ishlar vazirligining “Faxriy xodimi ko‘krak nishoni” bilan tantanali ravishda taqdirlandi.