Joriy yilning 12 fevral kuni Surxondaryo viloyati IIB boshlig‘i o‘rinbosari, Ma’naviy-ma’rifiy ishlar va kadrlar bilan ta’minlash xizmati boshlig‘i podpolkovnik Sh.Shadiev ishtirokida viloyat Ichki ishlar boshqarmasi hamda barcha shahar-tuman IIB shaxsiy tarkibi bilan video selektor tarzida “Xavfsiz va tinchliksevar davlat” tamoyili istiqbollari” mavzusida navbatdagi “Ma’naviyat va ma’rifat” darsi o‘tkazildi.

Mavzu tafsilotlari yuzasidan Termiz Davlat Universiteti qodidagi Akademik litseyi tarix fani bosh o‘qituvchisi Usmonov Jahongir Xo‘jaqulovichning ma’ruzasi tinglandi.

Shuningdek, “O‘z joniga qasd qilishni oldini olish” mavzusi doirasida viloyat ruhiy asab kasalliklari dispanseri vrach psixiatri Ro‘zimurodova Jumaxol Ro‘zimurodovnaning mavzu yuzasidan ushbu illatning kelib chiqish sabab va omillari hususidagi fikr mulohazalari, taklif va tavsiyalari tinglandi.

Shundan so‘ng, Respublika va viloyatimiz hududida ichki ishlar organlari xodimlari tomonidan o‘tgan bir hafta davomida sodir etilgan qonun hamda xizmat intizomi buzilish holatlari to‘g‘risidagi ma’lumotlar shaxsiy tarkibga o‘qib eshittirilib, O‘zbekiston Respublikasi IIB Shaxsiy xavfsizlik bosh boshqarmasi Surxondaryo viloyati bo‘yicha boshqarmasi, viloyat IIB Ma’naviy-ma’rifiy ishlar va kadrlar bilan ta’minlash xizmati hamda viloyat IIB axborot xizmati bilan hamkorlikda tayyorlangan   ichki ishlar organlari xodimlari bilan bog‘liq salbiy holatlar aks etgan videofilm shaxsiy tarkib e’tiboriga namoyish etildi.

“Ma’naviyat va ma’rifat” darsi davomida viloyat IIB boshlig‘i o‘rinbosari tomonidan ba’zi xodimlarning yurish turishi, xizmat intizomi, qonunchilikka qat’iy rioya qilishi hamda fuqarolar tomonidan qilinayotgan murojaatlar bilan ishlash borasidagi xato-kamchilliklari bilan birga xatti-harakatlari tanqid qilindi.

Shuningdek, o‘z xizmat vazifasiga sidqidildan yondashib, hamkasblariga o‘rnak bo‘lib, korrupsion jinoyatlarning oldini olishda namuna ko‘rsatib kelayotgan viloyat IIBning bir guruh xodimlari boshqarma boshlig‘ining pul mukofotlari, esdalik sovg‘alari va ularning ota-onalari tashakkurnomalari  bilan taqdirlanib, el-yurt oldida qilayotgan xizmatlari e’tirof etildi.