Joriy yilning 7 iyul kuni viloyat IIB boshlig‘ining birinchi o‘rinbosari, Baxtiyor Inoqov hamda viloyat IIB boshlig‘i o‘rinbosari Sherzod Shadievlar ishtirokida viloyat Ichki ishlar boshqarmasi hamda shahar-tuman IIBlari shaxsiy tarkibi bilan video selektor tarzida “Davlat gerbi – mustaqillik timsoli” darsi o‘tkazildi.

Mavzu tafsilotlari yuzasidan, Termiz Davlat Universiteti akademik litseyi tarix fani bosh o‘qituvchisi Diljahon Abdulakimovaning ma’ruzasi tinglandi.

Respublika hududida ichki ishlar organlari xodimlari tomonidan sodir etilgan qonun hamda xizmat intizomi buzilish holatlari to‘g‘risida O‘zbekiston Respublikasi IIV Shaxsiy xavfsizlik bosh boshqarmasi Surxondaryo viloyati bo‘yicha boshqarmasi ma’sul xodimi tomonidan shaxsiy tarkibga xodimlarning xizmat intizomi hamda qonuniylikka rioya qilishlari to‘g‘risida ma’lumotlar berilib tanqidiy fikrlar bildirildi.

Bundan tashqari, boshqarma boshlig‘ining birinchi o‘rinbosari B.Inoqov tomonidan jinoyatchilik va huquqbuzarliklarni oldini olish, xizmat intizomi, qonunchilikka qat’iy rioya qilish hamda fuqarolar tomonidan qilinayotgan murojaatlar bilan ishlash borasidagi xato-kamchilliklari bilan birga xatti-harakatlari tanqidiy muhokama etildi.

viloyat IIB boshlig‘i o‘rinbosari Sherzod Shadiev tomonidan shaxsiy tarkibning jingovar shayligi, bilim saviyasini yanada oshirish borasida amalga oshirilishi lozim bo‘lgan chora-tadbirlar haqida tanqidiy fikrlar bildirildi.

Shuningdek, O‘zbekiston Respublikasi Prezidentining Farmoni bilan Surxondaryo viloyati Ichki ishlar boshqarmasi tezkor vazifalarni bajaruvchi safarbar otryadi xodimi katta serjant Shermuhammad Jandreev “Mard o‘g‘lon” davlat mukofoti bilan taqdirlanganligi munosabati bilan uning xizmatlari e’tirof etilgan bo‘lsa, Ichki ishlar vazirining tegishli buyrug‘i bilan viloyat IIB Axborot xizmati boshlig‘i, podpolkovnik Farxod Toshboev Ichki ishlar vazirligining “III- darajali Benuqson xizmatlari uchun” ko‘krak nishoni tantanali ravishda topshirildi.