Joriy yilning 3 noyabr kuni viloyat IIB boshlig‘i o‘rinbosari, podpolkovnik Zavkiddin Xujanov ishtirokida viloyat Ichki ishlar boshqarmasi hamda shahar-tuman IIBlari shaxsiy tarkibi bilan video selektor tarzida “Imom Moturidiyning ma’naviy merosi” mavzusida  ma’naviyat va ma’rifat darsi o‘tkazildi.

Mavzu tafsilotlari yuzasidan, Termiz davlat universiteti Falsafa kafedrasi o‘qituvchisi, Akram Jo‘raevning mavzu yuzasidan ma’ruzasi tinglandi.

Bundan tashqari, viloyat IIB Ma’naviy-ma’rifiy ishlar va kadrlar bilan ta’minlash xizmati Jismoniy va jangovar tayyorgarlik bo‘limi boshlig‘i, mayor Husan Nurmatov tomonidan O‘zbekiston Respublikasi Ichki ishlar vazirligi tomonidan yangi qabul qilingan normativ huquqiy hujjatlarning mazmun mohiyati hamda jismoniy va jangovar tayyorgarlik yo‘nalishlarida sinovlar topshirish tartiblari xodimlar e’tiboriga yetkazildi.

Respublika hududida ichki ishlar organlari xodimlari tomonidan sodir etilgan qonun hamda xizmat intizomi buzilish holatlari to‘g‘risida O‘zbekiston Respublikasi IIV Shaxsiy xavfsizlik bosh boshqarmasi Surxondaryo viloyati bo‘yicha boshqarmasi ma’sul xodimi tomonidan shaxsiy tarkibga xodimlarning xizmat intizomi hamda qonuniylikka rioya qilishlari to‘g‘risida ma’lumotlar berilib tanqidiy fikrlar bildirildi.

Shuningdek, tizimda korrupsiyaga murosasizlik bilan kurash olib borishda jonbozlik ko‘rsatib, xizmatdoshlariga o‘rnak bo‘lib kelayotgan xodimlarga boshqarma boshlig‘ining pul mukofotlari hamda Ichki ishlar vazirining tegishli buyrug‘i bilan bir guruh xodimlarga navbatdagi “leytenant” hamda “podpolkovnik” maxsus unvonlari viloyat IIB boshlig‘i o‘rinbosari tomonidan tantanali ravishda topshirildi.