Joriy yilning 21 oktabr  kuni Surxondaryo viloyati IIB Ma’naviy-ma’rifiy ishlar va kadrlar bilan ta’minlash xizmati boshlig‘ining o‘rinbosari mayor X.Nurmatov ishtirokida viloyat Ichki ishlar boshqarmasi shaxsiy tarkibi bilan “Ona tilim - jonu dilim (21- oktabr-o‘zbek tiliga davlat tili maqomi berilgan kun) mavzusida “Ma’naviyat va ma’rifat” darsi o‘tkazildi.

Mavzu tafsilotlari yuzasidan Termiz shahar 11-umumiy o‘rta ta’lim maktabining ona tili va adabiyot fani o‘qituvchisi Normuradova Dilbar Abdikosimovnaning ma’ruzasi tinglandi.

Shuningdek viloyat xokimining 13.10.2023-yildagi 522-8-0-q/23-sonli "O‘zbekiston qizil yarim oy jamiyati viloyat tashkiloti insonparvarlik faoliyatini qo‘llab-quvatlash to‘g‘risida"gi qarori yuzasidan jamiyatning viloyat tashkilot raisi Akbarov Raximqul Maxmudovichning ma’ruzasi tinglandi.

“Ma’naviyat va ma’rifat” darsi davomida, Respublika hududida ichki ishlar organlari xodimlari tomonidan o‘tgan bir hafta davomida sodir etilgan qonun hamda xizmat intizomi buzilish holatlari to‘g‘risidagi ma’lumotlar O‘zbekiston Respublikasi IIV Shaxsiy xavfsizlik bosh boshqarmasi Surxondaryo viloyati bo‘yicha boshqarmasi mas’ul xodimi tomonidan shaxsiy tarkibga o‘qib eshittirilib, ba’zi xodimlarning yurish turishi, xizmat intizomi, qonunchilikka qat’iy rioya qilishi borasidagi xatti-harakatlari tanqid qilindi.

Surxondaryo viloyati IIB Axborot xizmati