Surxondaryo viloyati IIBda 30 iyun “Yoshlar kuni” munosabati bilan viloyat ichki ishlar organlarida xizmat olib borayotgan bir guruh yosh xodim va xodimalari uchun Samarqand shahriga sayohat tashkil etildi.
Ta’kidlash joiz, mamlakatimizda yoshlar masalasi har doim
davlat siyosati darajasidagi muhim masala bo‘lib kelgan. So‘nggi yillarda yosh yigit-qizlarimiz
uchun yaratilayotgan keng ko‘lamdagi imkoniyat va shart-sharoitlar, ularning o‘qib-o‘rganishlari,
qizg‘in faoliyat ko‘rsatishlari uchun qaratilayotgan e’tibor va g‘amxo‘rlik nafaqat
yurtdoshlarimiz, balki dunyo hamjamiyatini ham o‘ziga jalb etib kelmoqda. Iqtidorli
yoshlarni qo‘llab-quvvatlash, ularning iste’dodini yuzaga chiqarish uchun har bir
hududda zarur shart-sharoitlar muhayyo qilinmoqda.
Shu bois, O‘zbekiston Respublikasi Ichki ishlar
vazirining 2024 yil 08 iyun kunidagi tegishli farmoyishiga asosan joriy yilning
01 iyun kunidan 30 iyun kuniga qadar “Yoshlar oyligi” deb e’lon qilinganligi munosabati
bilan, joriy yilning 28-30 iyun kunlari viloyat ichki ishlar organlarida xizmat
olib borayotgan, xizmat faoliyati davomida yuksak natijalarga erishib, hamkasblariga
na’muna bo‘lib kelayotgan bir guruh yosh xodim va xodimalar uchun, Samarqand viloyatiga
ikki kunlik sayohat tashkil etildi.
Sayohat davomida, xodimlar boqiy shaharning boy madaniy
tarixi, obidalari, urf-odatlari, an’analari, va boshqa yo‘nalishlari bo‘yicha o‘z bilimlarini
yanada mustahkamlashdi hamda ma’daniy hordiq chiqarishdi.
