Joriy yilning 23 sentabr kuni Surxondaryo viloyati Ichki ishlar boshqarmasi shaxsiy tarkibi bilan “Islohotlar inson, uning qadri uchun” mavzusida “Ma’naviyat va ma’rifat” darsi o‘tkazildi.

Mavzu tafsilotlari yuzasidan Termiz Davlat Universiteti tarix fanlari doktori professor Toshkenboy Pardaevning ma’ruzasi tinglandi.

Shundan so‘ng, qo‘shimcha mavzu sifatida, Firibgarlik jinoyati va ushbu jinoyat jabrlanuvchisi bo‘lib qolishning oldini olish haqida viloyat IIB huzuridagi Tergov boshqarmasi mas’ul xodimi mayor Feruz Aliboevning ham ma’ruzasi tinglandi.

“Ma’naviyat va ma’rifat” darsi davomida, Respublika hududida ichki ishlar organlari xodimlari tomonidan o‘tgan bir hafta davomida sodir etilgan qonun hamda xizmat intizomi buzilish holatlari to‘g‘risidagi ma’lumotlar O‘zbekiston Respublikasi IIV Shaxsiy xavfsizlik bosh boshqarmasi Surxondaryo viloyati bo‘yicha boshqarmasi mas’ul xodimi tomonidan shaxsiy tarkibga o‘qib eshittirilib, ba’zi xodimlarning yurish turishi, xizmat intizomi, qonunchilikka qat’iy rioya qilishi borasidagi xatti-harakatlari tanqid qilindi.

O‘tkazilgan “Ma’naviyat va ma’rifat” darsi davomida, viloyat IIB Jamaoat xavfsizligi xizmati Yo‘l harakati xavfsizligi boshqarmasining bir qator xodimlari korrupsiya va jinoyatchilikka qarshi kurashda jonbozlik ko‘rsatib, xodimlarga o‘rnak bo‘layotganligi uchun viloyat IIB boshlig‘i buyrug‘i bilan pul mukofoti boshqarma boshlig‘i o‘rinbosarlari tomonidan topshirildi.

 Surxondaryo viloyati IIB Axborot xizmati