Viloyat Ichki ishlar boshqarmasida joriy yilning o‘n besh kuni davomida, kriminogen vaziyatni yaxshilash, axborot texnologiyalari va boshqa turdagi jinoyatchilikning barvaqt oldini olish borasida amalga oshirilgan ishlar, yo‘l qo‘yilgan xato va kamchilliklar, erishilgan yutuqlar muhokamasiga bag‘ishlangan video-selektor tarzidagi tezkor yig‘ilish bo‘lib o‘tdi.

  O‘tkazilgan tezkor yig‘ilishda, viloyat prokurori adliya katta maslahatchisi Baxtiyor Babadjanov va viloyat IIB boshlig‘i polkovnik Timur Ismailov, viloyat IIB boshqarma boshlig‘i o‘rinbosarlari, barcha sohaviy xizmat rahbarlari, shahar-tuman studiyalaridan tuman prokurorlari, tuman IIB  boshlig‘i hamda o‘rinbosarlari, barcha sohaviy xizmat xodimlari ishtirok etishdi.

  Viloyat IIB boshlig‘i polkovnik T.Ismailov kun tartibidagi masalalarni tanishtirib, viloyat hududida huquqbuzarlik va jinoyatchilikning barvaqt oldini olish, kriminogen vaziyati og‘ir bo‘lgan hududlar, jinoyatchilikni jilovlashda sustkashlikka yo‘l qo‘yib, jinoyatni o‘sishiga sharoit yaratib bergan omillar bo‘yicha ichki ishlar bo‘limlari va sohaviy xizmatlarning faoliyatlari chuqur tanqidiy tahlil qilindi.

  O‘lim bilan bog‘liq yo‘l transport hodisalari, tan jarohati, o‘g‘irlik, firibgarlik, oila turmush doirasidagi, axborot texnologiyalari sohasidagi kiber jinoyatlar, yoshlar, voyaga yetmaganlar, ayollar jinoyatchiligi, ijtimoiy profilaktika sohalari, tungi vaqtda sodir etilayotgan o‘g‘rilik jinoyatlarining barvaqt oldini olish borasidagi profilaktik ishlar, hududlarni kamera va tashvish tugmalarini o‘rnatish ishlari yetarli darajada yo‘lga qo‘yilmaganligi tanqidiy muhokama qilindi.

  Viloyat Ichki ishlar boshqarmasi va quyi tizimlarida yo‘l qo‘yilgan xato va kamchilliklar qattiq tanqid qilinib, mas’ullarning hisoboti tinglandi.

Kelgusida bu boradagi kamchilliklarga yo‘l qo‘ymaslik bo‘yicha aniq chora-tadbir va vazifalar belgilab olindi hamda axborot texnologiyalari sohasida sodir etilishi mumkin bo‘lgan jinoyatlarni barvaqt oldini olish maqsadida "Dolzarb 2 oylik " e’lon qilindi.

  Viloyat prokurori adliya katta maslahatchisi B.Babadjanov tomonidan 2024 yilning 26 dekabr kuni hududiy idoralararo komissiya yig‘ilishida berilgan topshiriqlar ijrosi o‘z vaqtida ta’minlanishi, shuningdek, ichki ishlar organlari xodimlari o‘rtasidagi muomala madaniyat, tartib intizom, qonunchilikka qat’iy rioya qilish hamda belgilangan vazifalarni sidqidildan amalga oshirish har bir ichki ishlar organi xodimining asosiy vazifasi ekanligi ta’kidlanib, rahbar xodimlarga tegishli topshiriqlar berildi.