Joriy yilning 7 oktabr kuni viloyat IIB boshlig‘i o‘rinbosari, Ma’naviy-ma’rifiy ishlar va kadrlar bilan ta’minlash xizmati boshlig‘i podpolkovnik Sh.Shadiev ishtirokida viloyat Ichki ishlar boshqarmasi hamda shahar-tuman IIBlari shaxsiy tarkibi bilan video selektor tarzida “Qatag‘on qurbonlari - xalqimiz armonlari” mavzusida navbatdagi “Ma’naviyat va ma’rifat” darsi o‘tkazildi.

Mavzu tafsilotlari yuzasidan, Termiz  davlat universiteti litseyi tarix fani bosh o‘qituvchisi J.Usmonovning ma’ruzasi tinglandi.

O‘quv darsi davomida, Respublika hududida ichki ishlar organlari xodimlari tomonidan sodir etilgan qonun hamda xizmat intizomi buzilish holatlari to‘g‘risida O‘zbekiston Respublikasi IIV Shaxsiy xavfsizlik bosh boshqarmasi mas’ul xodimi tomonidan shaxsiy tarkibga xodimlarning xizmat intizomi hamda qonuniylikka rioya qilishlari to‘g‘risida tanqidiy fikr mulohazalari bildirib o‘tildi.

Bundan tashqari, viloyat IIB Tashkiliy boshqarma boshlig‘i o‘rinbosari podpolkovnik F.Shoniyozov tomonidan O‘zbekiston Respublikasi Qonun va qonunosti hujjatlariga kiritilgan o‘zgarish va qo‘shimchalar haqida ma’lumot berib o‘tdi.

“Ma’naviyat va ma’rifat” darsi davomida, “5 oktabr-tezkor qidiruv xizmati kuni” munosabati bilan viloyat IIB boshlig‘ining birinchi o‘rinbosari B.Inoqov tomonidan O‘zbekiston Respublikasi Ichki ishlar vaziri general-leytenant Po‘lat Razzaqovich Bobojonovning ichki ishlar organlarining tezkor xizmat xodimlariga yo‘llagan “Bayram tabrigi” o‘qib eshittirildi.

Shundan so‘ng viloyatimiz hududida jinoyatchilikka qarshi kurashish, uning oldini olish, fuqarolar osoyishtaligini ta’minlash borasida o‘z xizmat vazifalariga sidqidildan yondashib, hamkasblariga o‘rnak bo‘lib, “Ustoz-shogirt” an’analarini davom ettirib kelayotgani alohida e’tirof etilib, bir qator soha faxriylari va xodimlariga viloyat IIB boshlig‘ining faxriy yorlig‘i va pul mukofotlari tantanali ravishda topshirildi.