Surxondaryo viloyati IIB Jamoat xavfsizligi xizmati Probatsiya bo‘limi va uning quyi tizimlari xodimlari uchun o‘quv mashg‘uloti tashkil etildi.

O‘tkazilgan o‘quv mashg‘ulotida viloyat IIB Jamoat xavfsizligi xizmati Probatsiya bo‘limi boshlig‘i podpolkovnik Sh.Musurmonov hamda Termiz shahar hokimi o‘rinbosari, oila va xotin-qizlar bo‘limi boshlig‘i Gulnora Raxmonovalar ishtirok etdi. Mashg‘ulot davomida  O‘zbekiston Respublikasi Vazirlar Mahkamasining  2022 yil 31 mart kunidagi “Xotin-qizlar muammolarini o‘rganish va hal etish tizimini yanada takomillashtirish chora-tadbirlari to‘g‘risida”gi 145-son qarori haqida atroflicha ma’lumotlar berildi.

Shuningdek, IIO Probatsiya xizmati xodimlari hamda mutassadi idoralar va sohaviy xizmat xodimlari bilan hamkorlikda amalga oshirilishi lozim bo‘lgan nazorat tadbirlariga ham to‘xtalib o‘tildi.

O‘z navbatida jazoni ochiqda o‘tayotgan xotin-qizlarni «Ayollar daftari»ga kiritish va bu orqali xotin-qizlar muammolarini tizimli ravishda hal etish, ularni ijtimoiy qo‘llab-quvvatlash tartiblariga oid ma’lumotlar yig‘ilganlar e’tiboriga havola etildi.

Bundan tashqari, Probatsiya xizmati nazorati ostidagi shaxslarga oid ish xujjatlarini yuritish  ularning psixologik portretlarini tayyorlash jinoyatga moyil mahkumlar bilan profilaktik tadbirlarni o‘tkazish bo‘yicha tegishli ko‘rsatmalar berilib, kelgusida hamkor tashkilot va idoralar bilan olib borilishi lozim bo‘lgan chora-tadbirlar ijrosi ham ko‘rib chiqildi.