O‘zbekiston Respublikasi Ichki ishlar vaziri o‘rinbosari generl-mayor Bekmurod Tojimirzaevich Abdullaev tomonidan imzolangan farmoyishga asosan joriy yil 18-19 yanvar kunlari Surxondaryo viloyati IIB JXX Probatsiya bo‘limi hamda uning barcha hududiy bo‘linmalari xodimlari ishtirokida  vazirlik Maxsus operatsiyalarni muvofiqlashtirish boshqarmasi, maxsus tayyorgarlik o‘quv markazi katta inspektor-o‘qituvchisi podpolkovnik Jamoliddin Norpo‘latovich Raxmonov tomonidan   sayyor o‘quv mashg‘uloti tashkil etildi.

 Nazariy va amaliy mashg‘ulotlarda xodimlarning fuqarolar bilan muomala madaniyatidan tortib, ish jarayonida yuzaga kelishi mumkin bo‘lgan,  hayoti uchun xavfli  holatlarning oldini olish, maxsus vositalarni ishlatish, ayniqsa elektroshokerlardan foydalanish tartiblari to‘liq tushuntirildi. Shuningdek, maxsus vositalarni qo‘llagandan so‘ng jarohatlangan shaxslarga birinchi tibbiy yordam ko‘rsatish, rezina tayoq, masofadan turib boshqariluvchi elektroshok qurilmalarning taktik va texnik imkoniyatlari xususida  ham batafsil ma’lumotlar berildi. O‘quv yakunida tinglovchilardan yakuniy sinov olindi.  Albatta bu kabi nazariy va amaliy mashg‘ulotlar xodimlarning kasb malakasini oshirishda fuqarolar bilan yuzaga kelishi mumkin bo‘lgan mojoroli va ko‘ngilsiz xodisalarning oldini olishda muhim ahamiyat kasb etadi.