Surxondaryo viloyati IIB Jamoat xavfsizligi xizmati Huquqbuzarliklar profilaktikasi boshqarmasida, Boshqarma boshlig‘i Abror Xudoyberdiev huzurida video selektor tarzida tezkor yig‘ilish bo‘lib o‘tdi.

O‘tkazilgan yig‘ilishda, barcha shahar-tuman  IIB studiyalaridan Jamoat xavfsizligi xizmati Huquqbuzarliklar profilaktikasi bo‘limi boshliqlari, Huquqbuzarliklar profilaktikasi bo‘limi aparat inspektorlari, tuman IIB sektor kotiblari, xotin-qizlar masalari bo‘yicha va voyaga yetmaganlar bilan ishlash guruhi katta inspektorlari hamda barcha profilaktika katta inspektorlari ishtirok etishdi.

Yig‘ilish davomida, viloyat hududida huquqbuzarlik va jinoyatchilikning barvaqt oldini olish, fuqarolar tomonidan kelib tushayotgan murojaatlar bilan ishlash, uzoq muddatda yurgan fuqarolar bilan onlayn suhbatlashish va profilaktik suhbat olib borish, ichki ishlar organlari xodimlarining xizmat intizomi, qonunchilikka rioya etish borasidagi ishlar tanqidiy muhokama qilindi.

Yig‘ilish yakunida, kun tartibidagi masalalar yuzasidan mas’ullarning axborotlari tinglanib, yo‘l qo‘yilgan xato va kamchilliklarni bartaraf etish va takrorlamaslik yuzasidan tegishli topshiriq va ko‘rsatmalar berildi.