Tanlov tadbirlari O‘zbekiston Respublikasi Prezidentining 2017-yil 29-noyabr kunidagi PQ-3413-son Qarori hamda Ichki ishlar vazirligining 2023-yil 02-noyabr kunidagi 601-sonli buyrug‘i talablari asosida tashkil etiladi.

Xizmatga tanlov asosida, sog‘lig‘ining holati va jismoniy tayyorgarligi bo‘yicha xodimning xizmat majburiyatlarini bajarishga qodir bo‘lgan shaxsiy, ishbilarmonlik va kasbiy fazilatlarga ega erkak nomzodlar qabul qilinadi.

Tanlovda ishtirok etish istagini bildirgan nomzodlarga talablar:

- O‘zbekiston Respublikasi fuqarosi bo‘lgan erkaklar;

- doimiy yashash joyi bo‘yicha Surxondaryo viloyati hududida ro‘yxatda turgan;

- harbiy xizmatni o‘tagan (muddatli yoki safarbarlik chaqiruvi rezervida);

- yoshi 18 yoshdan kichik va 30 yoshdan katta bo‘lmagan;

- bo‘yi 170 (bir yuz yetmish) santimetrdan past bo‘lmagan;

- Oliy ta’lim muassasalarini tamomlaganlar;

- IIV Akademik litseylar va harbiy-akademik litseylar bitiruvchilari;

Arizalar https://kb.iiv.uz/ sayti orqali faqat onlayn tarzda qabul qilinadi.

Joriy yilning 2025-yil 24-oktabr kunidan 31-oktabr kuniga qadar murojaat qilmagan nomzodlar ro‘yxatga kiritilmaydi va ushbu tanlovlarda qatnasha olmaydi.

Qo‘shimcha ma’lumotlarni Surxondaryo viloyati Ichki ishlar boshqarmasining telegram (Surxondaryo IIB | Rasmiy kanal) rasmiy sayti, viloyatdagi boshqa ommaviy axborot vositalari yoki 76-224-15-76, 97-865-91-02 telefon raqamlari orqali olishingiz mumkin.

Tanlovda ishtirok etmoqchi bo‘lgan fuqarolar 2025-yil 24-oktabr kunidan 31-oktabr kuniga qadar faqatgina https://kb.iiv.uz/ portal orqali onlayn ro‘yxatdan o‘tishlari talab etiladi.

Surxondaryo viloyati IIB Ma’naviy-ma’rifiy ishlar va Kadrlar bilan ta’minlash xizmati.