Surxondaryo viloyati IIB Ma’naviy-ma’rifiy ishlar va kadrlar bilan ta’minlash xizmati Jismoniy va jangovar tayyorgarlik bo‘limi xodimlari tomonidan O‘zbekiston Respublikasi Ichki ishlar vazirligining 2024-yil 27-yanvar kunidagi 31-son farmoyishi va Surxondaryo viloyati IIBning 2024-yil 25-fevral kunidagi 43-son buyrug‘i talablari ijrosini ta’minlash maqsadida, viloyat ichki ishlar boshqarmasida xizmat qilayotgan, Tashkiliy boshqarma navbatchilik qismlari, “102 xizmati” hamda ma’muriy binolarni qo‘riqlash xizmati xodimlarining kasbiy malakasini va amaliy ko‘nikmalarini shakllantirish, xizmat va jangovar tayyorgarligini oshirish maqsadida amaliy o‘quv mashg‘ulotlari o‘tkazildi.

Dastlab, xodimlar bilan, saf ko‘rigi va saf tayyorgarligi mashg‘ulotlari o‘tkazilib, tashvish qoplari me’yoriy buyruq talablari asosida jamlanganligi tekshirildi.

Xodimlarning jangovar qurollarni to‘liqsiz qismlarga ajratish va yig‘ish, uning taktik xususiyatlari bo‘yicha mutaxassis xodimlar ishtirokida mahorat darslari o‘tkazilib, sinovlar qabul qilindi hamda amaliy o‘q otish mashg‘ulotlari o‘tkazildi.

Shundan so‘ng, O‘zbekiston Respublikasi IIVning 2024-yil 20-fevral kunidagi 60-sonli hamda viloyat Ichki ishlar boshqarmasining 2024-yil 28-fevral kunidagi 18-son farmoyishlariga asosan xodimlaridan “Jismoniy tayyorgarlik” bo‘yicha oraliq nazorat sinovi imtihonlari qabul qilindi.

Xodimlar to‘sinda tortilish, 100 metr va 3 km masofaga yugurish hamda qo‘l janggi  mashqlarini bajarishdi.