Joriy yilning 18 aprel kuni Surxondaryo viloyati IIBda IIV Akademiyasi 1- va 2-o‘quv kurslarida taxsil olayotgan kunduzgi ta’lim kursantlar bilan onlayn mahorat darsi o‘tkazildi. Ushbu o‘tkazilgan  onlayn mahorat darsida Surxondaryo viloyati IIB boshlig‘i o‘rinbosari podpolkovnik Sh.F.Shadiev, boshqarma JXX Huquqbuzarliklar boshqarmasi boshlig‘i o‘rinbosari podpolkovnik Sh.P.Xudoyberiev  va boshqarma Tergov boshqarmasi boshlig‘i o‘rinbosari podpolkovnik S.P.Rashidov, IIV Akademiyasi boshlig‘ining maslahatchisi polkovnik I.I.Ximmatov, IIV Akademiyasi magistraturasi tinglovchilari va kunduzgi ta’lim kursantlari ishtirok etishdi.

IIV Akademiyasi boshlig‘i tomonidan tasdiqlangan taqsimot jadvaliga asosan Hududiy ichki ishlar organlari boshliqlari tomonidan IIV Akademiyasi professor-o‘qituvchilari, magistratura tinglovchilari va kunduzgi ta’lim kursantlari bilan 2024 yilning aprel oyida o‘tkaziladigan onlayn mahorat darslarining mavzulariga asosan;

- Hududlarni “Qizil”, “Sariq” va “Yashil” toifalarga ajratish tartibi, ushbu mexanizmning jinoyatlarni jilovlashdagi ahamiyati (ushbu toifadagi mahallalarning tumanlar kesimidagi statistik ma’lumotlar asosida tushuntirishlar berildi).

- Jinoyat va huquqbuzarlik sodir etishga gumon qilingan shaxslarni ushlab turish tartibi, ularni ushlab turishda yo‘l qo‘yilayotgan kamchiliklar va natijada xodimlarga nisbatan qo‘llanilayotgan jazo choralari misollar orqali yetkazildi.

- Voyaga yetmagan shaxslarning nomusiga tegish jinoyatini tergov qilishning o‘ziga xos hususiyatlari, ushbu tergov harakatini o‘tkazishda tergovchining boshqa sohaviy xizmatlar (HPB, EKB, JQ) xodimlari bilan hamkorligi mavzularida masster klass mahorat darsi o‘tkazildi.

O‘tkazilgan masster klass mahorat darsida viloyat Ichki ishlar boshqarmasi mutasaddi xodimlari tomonidan mavzuga oid ma’ruzalar qilinib, amaliyotda uchrayotgan holatlar yuzasidan misollar keltirildi.

Masster klass mahorat darsida kursantlar o‘zlarini qiziqtirgan savollariga tegishli javoblar olishdi.