Aytish kerakki bugun IIO tizimida mehnat qilgan faxriylarni e’zozlash va ularga ehtirom ko‘rsatish borasida e’tiborga molik tizimli ishlar amalga oshirilmokda. Bu ezgu amallar 25 oktabr- ichki ishlar organlari xodimlari kuni bayrami oldidan tashkil etilayotgan qator xayrli ishlar misolida ham ko‘rishimiz mumkin.

E’tiborli tomoni mana shunday inson qadrini ulug‘laydigan tashabbuslar ko‘lami kengayib bormoqda. Masalan joriy yilning 23-oktabr kuni Surxondaryo viloyati IIB boshlig‘ining Ma’naviy-ma’rifiy ishlar va kadrlar bilan ta’minlash xizmati bo‘yicha o‘rinbosari podpolkovnik Sherzod Shadiev va Boshqarma Shimoliy mintaqaviy hudud Uzun tumani IIB boshlig‘i podpolkovnik Otabek Ergashevlar tomonidan tumanda yashovchi Ichki ishlar organlari idoralarida uzoq yillar xizmat qilib hozirgi kunda nafaqaga chiqqan faxriylarning holidan xabar olindi

Jumladan;

Mas’ullar  Uzun tumani “Istiqlol” mahallasida yashovchi IIOlarida xizmat olib borib, hozirgi kunda pensiyada bo‘lgan 2-guruh nogironi iste’fodagi mayor Ro‘zimaxmat Yusupovning yashash xonadoniga borishdi. Unga  O‘zbekiston Respublikasi IIV o‘rinbosari general-mayor Davron Nazarmuhammedovning  Surxondaryo viloyati ichki ishlar organlari faxriylari bilan o‘tkazilgan uchrashuvida  qilgan murojaati yuzasidan, unga viloyat IIB boshlig‘i tomonidan berilgan zamonaviy nogironlar aravachasini tantanali ravishda topshirishdi.

Shuningdek  Tumanning “Yangi hayot” mahallasida yashovchi ichki ishlar organlarida xizmat olib borib, hozirgi kunda nafaqada bo‘lgan 1961 yilda tug‘ilgan, 1-guruh nogironi iste’fodagi kapitan Oral Oqboyevning holidan xabar olinib, uning sog‘ligini tiklash hamda xonadonida aniqlangan muammolarini bartaraf etish yuzasidan tegishli chora-tadbirlar belgilab olindi.