2025 yilning 19 may kuni Surxondaryo viloyati IIB boshlig‘i o‘rinbosari, podpolkovnik Xurshid Atanazarov boshchiligida, boshqarma sohaviy xizmat mas’ullari tomonidan IIV Akademiyasi o‘qituvchilari va kursantlari bilan navbatdagi onlayn master-klass bo‘lib o‘tdi.

Unda asosan, “Profilaktika inspektorlari tomonidan rasmiylashtirilgan tergovga qadar tekshiruv hujjatlari sud tomonidan tugatilganlik holatlari  bu borada kuzatilayotgan kamchiliklar”, “Giyohvandlik vositalari yoki psixotrop moddalar bilan qonunga xilof ravishda muomala qilishdan iborat jinoyatlarni fosh etishda tezkor xodimning boshqa sohaviy xizmatlar bilan hamkorligi hamda unda yuzaga kelayotgan muammolar”, “Navbatchilik qismiga kelib tushgan barcha turdagi jinoyat va xabarlarning ro‘yxatga olinishi, ular asosida hodisa sodir bo‘lgan joyga chiqish hamda tergov-tezkor guruhining sodir etilgan jinoyatlarni fosh etish borasidagi faoliyatining xususiyatlari” mavzularida tahliliy ma’lumotlar asosida ma’ruzalar qilindi.

Shundan so‘ng, ma’ruzachilar IIV Akademiyasi kursantlari tomonidan berilgan savollarga hayotiy ma’lumotlar asosida batafsil javoblar berishdi.