Surxondaryo viloyati IIB Ma’naviy-ma’rifiy ishlar va kadrlar bilan ta’minlash xizmati Ma’naviy-ma’rifiy ishlar bo‘limi Psixologik ta’minlash guruhi mutaxassis-psixologlari fuqarolar bilan to‘g‘ridan-to‘g‘ri  muloqotda bo‘ladigan, maxsus vositalar bilan xizmat olib boradigan xodimlar xizmat faoliyatining o‘ziga xos xususiyatlarini inobatga olgan holda viloyat IIB Jamoat xavfsizligi xizmati yo‘l harakati xavfsizligi boshqarmasi tarkibida xizmat olib borayotgan xodimlarning xizmat samaradorligini va kasbiy bilimlarini oshirish, shaxsiy tarkib o‘rtasida sog‘lom ma’naviy-ruhiy muhit barqarorligini ta’minlash, xodimlarning individual-psixologik hususiyatlarini o‘rganish, shuningdek ularning  muloqot psixologiyasi, muomala madaniyati, nostandart vaziyatlarda ruhiy barqarorlikni saqlashga oid zarur ko‘nikmalarini shakllantirishga qaratilgan psixologik trening mashg‘uotlari o‘tkazildi.

Shuningdek, xodimlarga ilmiy psixologik usullarni maqsadli qo‘llash orqali jamoadagi sog‘lom muhitni shakllantirish, turli stress va ziddiyatli vaziyatlarga moslashish qobiliyatini rivojlantirish hamda ularning jismoniy-ruhiy tayyorgarligini oshirish bo‘yicha tavsiyalar berildi. Har kuni turli toifa va xarakterdagi fuqarolar bilan muloqotda bo‘ladigan xodimlarning muomala madaniyati yuqori bo‘lishi lozim, shu boisdan psixologlar tomonidan xodimlarga notiqlik madaniyati yuzasidan ham tushunchalar berib o‘tildi.

Surxondaryo viloyati IIBda xodimlar bilan o‘tkazilayotgan psixologik tadbirlar davom ettirilmoqda.