O‘zbekiston Respublikasi Ichki ishlar vazirining 2024 yil 29 aprel kunidagi 9-may “Xotira va qadrlash kuni” bayramiga tayyorgarlik ko‘rish va uni o‘tkazish” to‘g‘risidagi tegishli farmoyishi ijrosini ta’minlash maqsadida, joriy yilning 8 may kuni Surxondaryo viloyati IIB boshlig‘i o‘rinbosari podpolkovnik Sh.F.Shadiev boshchiligida ichki ishlar boshqarmasining mas’ul xodimlari bilan ichkii ishlar idoralarida uzoq yillar samarali faoliyat olib borgan mehnat faxriylari iste’fodagi mayorlar Bori Shodiev va Shomurod Saidqulov hamda xizmat vaqtida vafot etgan katta leytenant Sherali Aytuganovlarning xonadonlariga borib, ularning oila a’zolari holidan xabar olindi.  

Xonadon sohiblari bilan qilingan suhbat davomida, boshqarma boshlig‘ining bayram sovg‘alari ulashildi.

Shuningdek, O‘zbekiston Respublikasi ichki ishlar vazirining 2024 yil 7 may kunidagi tegishli buyrug‘i bilan ichki ishlar idoralarida uzoq yillar samarali faoliyat olib borgan hamda yosh xodimlarni tarbiyalashda o‘zlarining beminnat hissalarini qo‘shib kelayotgan mehnat faxriylari iste’fodagi podpolkovnik Abdusattor Ismailov “Ichki ishlar organlarining faxriy xodimi” ko‘krak nishoni bilan istefodagi starshina Norboy Pardaev “Ichki ishlar vazirining esdalik qo‘l soati bilan” taqdirlanishdi.

Sana munosabati bilan xabar olingan xonadon sohiblarining yashash sharoitlari, sog‘liklari, muammo va takliflari boshqarma boshlig‘i o‘rinbosari tomonidan o‘rganilib, ijobiy hal etish choralari ko‘rildi.