Surxondaryo viloyati Ichki ishlar boshqarmasi boshlig‘i polkovnik Ismailov Timur Kamalatdinovich mahalla hududlarida huquqbuzarliklar va jinoyatlarni barvaqt oldini olish, ularni “issiq izi”da fosh etish, fuqarolar xavfsizligini ta’minlash, jamoat tartibini saqlash borasida amalga oshirilayotgan ishlar bilan yaqindan tanishish maqsadida bugun Termiz, Qiziriq hamda Bandixon tuman ichki ishlar bo‘limlarida bo‘ldi.

Hududlarda huquqbuzarlik va jinoyatlarni oldini olish, notinch oilalardagi vaziyatni o‘rganib, muammolarini hal etish, muqaddam sudlanganlar va yoshlarni ish bilan ta’minlash,  yettilik faoliyatidan samarali foydalanish, hamkor tashkilotlar bilan tungi vaqtlarda nazorat yanada kuchaytirish, fuqarolar gavjum to‘planadigan joylarga videokuzatuv moslamalari, xonadonlarni qo‘riqlash pultiga ulash, mutasaddi tashkilotlar bilan hamkorlikda amalga oshirilgan ishlari bilan yaqindan tanishdi.

Shuningdek, o‘rganish davomida tuman ichki ishlar bo‘limlaridagi xodimlar faoliyati uchun yaratilgan shart-sharoitlar bilan tanishib, kriminogen vaziyatni barqarorlashtirish borasida amalga oshirilgan ishlar, o‘rnatilgan videokuzatuv moslamalarining ish jarayoni, xonadonlarni qo‘riqlash pultiga ulanishi,  “Ijtimoiy profilaktika” tizimining ish samaradorligi, “fuqarobay”, “mahallabay” ishlash, fuqarolar, yoshlar va ayollarning muammolarini aniqlash va hal qilish, bandligini ta’minlash borasida hamkorlikda amalga oshirilayotgan chora-tadbirlar atroflicha tahlil etildi.

Ichki ishlar boshqarmasi boshlig‘ining vohadagi o‘rganishlari davom etmoqda.