Surxondaryo viloyati IIB boshlig‘i o‘rinbosari tomonidan Muzrabot tumanida Sayyor qabul o‘tkazildi.
Aholining uzog‘ini yaqin, og‘irini yengil qilish, ularni qiynab kelayotgan
muammolarini joyiga chiqqan holda o‘rganish, ularning dardu tashvishlariga sherik
bo‘lish orqali ijobiy yechim izlash maqsadida rahbarlar tomonidan joylarda sayyor
qabullar o‘tkazilib kelinmoqda.
Shunday qabullardan bir joriy yilning 16 fevral kuni Muzrabot tumani “At
Termiziy” mahallasida joylashgan Kasb-hunar maktabi binosida Surxondaryo viloyati
IIB boshlig‘i o‘rinbosari podpolkovnik Boltaev Murod Mamarajabovich rahbarligida, mutasaddi tashkilot rahbarlari
ishtirokida mahalla aholisining muammolarini o‘rganish maqsadida “Sayyor qabul”
tashkil etildi.
O‘tkazilgan qabulda fuqarolarning bandlik, uy-joy ta’miri, salomatligini
tiklash, ijtimoiy himoya, kredit, ta’lim va boshqa bir qator masalalarda bildirgan
murojaatlari tinglanib, ijobiy yechim izlandi.
O‘z muammolariga yechim izlab kelgan fuqarolarning
20 ga yaqin murojaatlarining aksariyati shu joyning o‘zida ijobiy hal etildi. O‘rganish talab etilgan murojaatlarning ijrosi alohida nazoratga
olindi.
