Yurtimizda aholi murojaatlari bilan ishlaydigan mexanizmning  shakllanishi  xalqning davlat va jamiyatdan roziligini   ta’minlashga xizmat qilmoqda.

Joylarda tashkil etilayotgan  sayyor qabullar asnosida, xalq bilan muloqot  maydoni vujudga kelib muammo va masallar yechimiga vertikal yondashilmoqda. Bu esa albatta samaradorlikda muhim ahamiyat kasb etmoqda.  Prezidentning viloyatdagi xalq qabulxonasi va Viloyat IIB mas’ullari ishtirokida  o‘tkazilgan sayyor qabulda ham fuqarolarning murojaatlariga yechim izlandi.

Davlatimiz rahbari aholining turmush darajasini yaxshilash, farovonligini oshirish, yaqin kelajakda emas bugun munosib sharoitlarda yaxshi yashashini ta’minlash  aholining roziligi ortida  mutasaddilarning ko‘ngil xotirjamligi halovati turishi lozimligini bod-bod takrorlaydilar.   Shundan bo‘lsa kerak jamiyatimizdagi barcha darajadagi rahbarlar tomonidan aholi murojaatlari bilan ishlash bo‘yicha yo‘l xaritasi ishlab chiqilgan. Shunga asosan tashkil etilgan mazkur sayyor qabulda 15 nafardan oshiq fuqarolar, tergov, tergovga qadar tekshiruv, moddiy yordam, ishga tiklash  va boshqa masalalarda murojaat qilishdi. Yuzma-yuz muloqotlarda tizim xodimlarining faoliyatidan minnatdor bo‘lganlar fuqarolar ham  ishtirok etishdi.                                                

Sayyor qabul davomida murojaatlardan 8 tasi ijobiy hal etildi. O‘rganish talab etiladigan murojaatlar  yuzasidan viloyat Ichki ishlar boshqarmasi boshlig‘i mas’ulligida  joyiga chiqqan holda  yechimi ta’minlanishi ta’kidlandi. Albatta bunday yondashuv ziddiyatli munosabatlarning barham topishiga va qonunlar ustuvorligini ta’minlashga xizmat qiladi.