Surxondaryo viloyati IIB boshlig‘i polkovnik Timur Ismailovning navbatdagi “Ommaviy sayyor qabuli” bo‘lib o‘tdi.
O‘zbekiston Respublikasi Prezidentining Surxondaryo viloyatidagi Xalq qabulxonasi binosida Surxondaryo viloyati IIB boshlig‘i tomonidan o‘tkazilgan qabulda, viloyat Ichki ishlar boshqarmasi boshlig‘ining o‘rinbosarlari, tegishli sohaviy xizmat rahbarlari ishtirok etishdi.
“Ommaviy sayyor
qabuli” jarayonida fuqarolar tergov — surishtiruv, ishga qabul qilish, IIV tizimiga
ishga tiklash, yo‘l harakati xavfsizligi, fuqarolikni rasmiylashtirish, quda-andalar
o‘rtasidagi nizolarga barham berish, uy-joyni nomiga rasmiylashtirish, pul oldi
berdi masalasi va boshqa turli ichki ishlar sohasiga oid masalalar yuzasidan murojaatlar
qilishdi.
Murojaatlarning
asosiy qismi shu yerning o‘zida ijobiy hal etilgan bo‘lsa, ba’zi murojaatlar yuzasidan
huquqiy tushuntirishlar berildi.
Ijrosini o‘rganish
uchun qo‘shimcha muddat talab qiladigan murojaatlar esa tegishli sohaviy xizmat
mas’ullariga yo‘naltirilib, boshqarma boshlig‘i tomonidan alohida nazoratga olindi.
Shuningdek, “Ommaviy sayyor qabuli” davomida ichki ishlar organlari tizimida kasbiga sodiqlik va halollik bilan yondoshgan holda xizmat qilayotgan tergov va surishtiruvchilarning faoliyatlaridan mamnunligini bildirgan fuqarolar ham ishtirok etishib, o‘z minnatdorchiliklarini izhor etishdi.
