Surxondaryo viloyati Ichki ishlar boshqarmasi binosida, ichki ishlar organlari xodimlari ishtirokida, Surxondaryo viloyat sudi tomonidan targ‘ibot tadbiri o‘tkazildi.
O‘tkazilgan targ‘ibot tadbirida, viloyat IIB boshlig‘i o‘rinbosari, Sh.Shadiev, IIV Shaxsiy xavfsizlik bosh boshqarmasi Surxondaryo viloyati bo‘yicha boshqarmasi boshlig‘i Q.Samandarov, viloyat sudi raisi o‘rinbosari B.Djumaev, viloyat sudi sudyalari Sh.Tog‘aev hamda S.Rahimovlar o‘z ma’ruzalari bilan qatnashishdi.
Targ‘ibot
tadbiri davomida, ichki ishlar organlari xodimlariga “Mehnat shartnomasini bekor qilish tushunchasi va asoslari”, “Ish haqi to‘lovini
kechiktirilganligi sababli kompenssatsiya undirish”, “O‘zbekiston Respublikasi
Oliy Majlisining Bola huquqlari bo‘yicha vakili (Bolalar Ombudsmani) to‘g‘risida”gi
qonunining mazmun mohiyati, “Yangi tahrirdagi Mehnat kodeksida mehnat intizomi tushunchasi”, “Kredit shartnomalaridan
kelib chiqadigan majburiyatlar bajarilishini ta’minlash to‘g‘risidagi fuqarolik
qonun hujjatlarini tadbiq etilishida vujudga keladigan masalalar” mavzularida tushuntirishlar
berildi.
Tadbir ishtirokchilari mavzu yuzasidan o‘zlarini qiziqtirgan savollariga yetarlicha javoblar olishdi.
