Ma’naviy yetuk, komil insonni tarbiyalashda muzeylarning o‘rni nihoyatda beqiyos. Zero, muzeylarda saqlanayotgan tarixiy ashyolar, nodir qo‘lyozmalar, hujjatlar avlodlarga tarixdan, ajdodlarimiz hayoti, yuksak ma’naviyatidan hikoya qiladi. Bu esa inson qalbida ota-bobolarimiz qoldirgan merosga hurmat, e’zoz va muhabbat tuyg‘usini uyg‘otish bilan birga, ularda shu aziz Vatanga munosib farzand bo‘lish tuyg‘usini ham shakllantiradi.

Ayni shu jihatlarni e’tiborga olgan holda, joriy yilning 23 mart kuni “Ma’naviyat marshuruti” doirasida, Surxondaryo viloyati Ichki ishlar boshqarmasi va shahar-tuman IIB boshliqlarining ma’naviy-ma’rifiy ishlar bo‘yicha o‘rinbosarlari hamda kadrlar bilan ta’minlash guruhi mas’ul xodimlari ishtirokida “Termiz arxeologiya muzeyiga” sayohat tashkil etildi. Sayohat davomida soha mutaxassislari tomonidan xodimlarga muzey tarixi hamda muzeyda mavjud eksponatlar to‘g‘risida malumotlar berilib, ma’naviy-ma’rifiy ishlar bo‘yicha mas’ul xodimlarga kelgusida tizimda xizmat olib borayotgan xodimlar uchun ham bu kabi ma’naviy-ma’rifiy tadbirlarni yanada ko‘proq o‘tkazish bo‘yicha topshiriqlar berildi.

Ta’kidlash joizki, bu kabi ekskursiyalarni doimiy ravishda tashkillashtirib borish tizimda xizmat olib borayotgan xodimlarga ma’naviy ozuqa berish bilan birga, ularda vatanga muhabbat, ajdodlarga, tariximzga bo‘lgan faxr tuyg‘ularini oshirishda muhim ahamiyat kasb etadi.