Surxondaryo viloyati Ichki ishlar boshqarmasi boshlig‘ining Yangi yil bayram tabrigi

 Assalomu aleykum, qadrli yurtdoshlar! 

 Mana, 2023 yil poyoniga yetib, yangi 2024 yilga qadam qo‘ymoqdamiz. Avvalo, o‘tgan bir yil davomida mamlakatimizda va odamlar hayotida katta o‘zgarishlar yuz berdi. Yangi O‘zbekiston tarixida Muhtaram Prezidentimiz rahbarligida amalga oshirilayotgan islohotlar – birgina maqsad sari, ya’ni odamlarni rozi qilish, inson qadrini ulug‘lash va jamiyatda xotirjamlik, obodlikni ta’minlashga  yo‘naltirildi. 

Yangi tizim asosida olib borilgan profilaktik ishlar  xalqimiz tinchligi, mahallalarimiz obodligini ta’minlashda o‘z samarasini bermoqda.  Shuningdek, amalga oshirilayotgan tezkor tadbirlar natijasida inson hayoti bilan bog‘liq o‘ta og‘ir oqibatli jinoyatlarning oldi olindi.  Viloyatda ichki ishlar organlari zamonaviy qiyofasini shakllantirish, xodimlarning samarali xizmat olib borishi uchun zarur sharoit yaratish maqsadida bir qator ishlar amalga oshirildi. Bu borada tezkor- profilaktik tadbirlarining "Dolzarb 40 kunligi" ham kutilgan natijalarni bermoqda. 

      Prezidentimiz joriy yil 16-17 noyabr kunlari viloyatimizga tashrifi chog‘ida huquqbuzarliklarning oldini olish va jinoyatchilikni jilovlash yuzasidan tegishli vazifalarni belgilab bergan edi. Mazkur topshiriqlar ijrosini ta’minlash uchun  katta rejalar belgilab olindi. "Qonun ustuvor-jinoyatga jazo muqarrar"- degan g‘oya asosida  xalqimiz osayishtaligi, yurtimiz obodligi yo‘lidagi barcha chora-tadbirlar davom etadi.

 Aziz vohadoshlar! 

 Fursatdan foydalanib, barcha vohadoshlarimizni, ichki ishlar organlari xodimlari, faxriylari va xizmat chog‘ida halok bo‘lgan xodimlar oila a’zolarini Yangi-2024 yil bilan samimiy tabriklayman. Yangi yil xonadonlaringizga fayzu-baraka olib kelsin. Yurtimiz hamisha tinch, osoyishta, hayotimiz yanada to‘kin  bo‘lsin.  Yangi yil muborak bo‘lsin!

 A.S.Ismoilov,

Surxondaryo viloyati Ichki ishlar boshqarmasi boshlig‘i, polkovnik