So‘nggi yillarda mamlakatimizda yoshlarga oid davlat siyosatining huquqiy asoslari mustahkamlanib, yoshlarni har tomonlama qo‘llab-quvvatlash, ularning huquq va qonuniy manfaatlarini himoya qilish borasida tizimli ishlar olib borilmoqda.

Shu munosabat bilan, O‘zbekiston Respublikasi Prezidentining 2025 yil 18-martdagi PQ-110-son va ichki ishlar organlarida joriy yilning 1 aprel kunidan 30 aprel kuniga qadar o‘tkazilayotgan “Ma’naviyat oyligi” doirasida, joriy yilning 26 aprel kuni, Surxondaryo viloyati ichki ishlar boshqarmasiga biriktirilgan, Termiz shahar 7-sonli umumiy o‘rta-ta’lim maktabining bir guruh o‘quvchilari uchun “Ochiq eshiklar” kuni tadbiri tashkil etildi.

O‘quvchi yoshlar dastlab, viloyat ichki ishlar boshqarmasi Turizmda xavfsizlikni ta’minlash boshqarmasi, Ekspert-kriminalistika markazi bo‘limi hamda viloyat ichki ishlar boshqarmasi xuzuridagi Tergov boshqarmasi faoliyati bilan yaqindan tanishishib soha mutaxassislari tomonidan o‘zlarini qiziqtirgan savollarga javoblar olishdi.

Shundan so‘ng o‘quvchi yoshlar Termiz davlat Universiteti qoshida tashkil etilgan “Yoshlar markazi” va “Qatag‘on qurbonlari xotirasi muzeyi”ga tashrif buyurishib, ushbu markaz va muzey faoliyati, ularda mavjud eksponatlar  bilan yaqindan tanishishdi.

Albatta bu kabi tadbirlarni muntazam ravishda o‘tkazib borish yoshlarda milliy madaniy merosimizga bo‘lgan qiziqishni oshirish, ularning ongida buyuk ajdodlarimizga bo‘lgan fahr tuyg‘usini shakllantirishda, qolaversa,  yoshlarni vatanparvarlik ruhida tarbiyalash, ular o‘rtasida jinoyatchilik va huquqbuzarliklarning oldini olish, yoshlarning huquq va manfaatlarini himoya qilishda muhim ahamiyat kasb etadi.