Ichki ishlar vazirining 2025 yil 28 iyul kunidagi 282-son hamda Surxondaryo viloyati Ichki ishlar boshqarmasi boshlig‘ining 2025 yil

01 avgust kunidagi farmoyishlari ijrosi yuzasidan “Inson qadri uchun” shiori ostida o‘tkazilayotgan “Ijtimoiy himoya oyligi” doirasida  joriy yilning 13 avgust kuni viloyat IIB Xavfsiz turizmni ta’minlash boshqarmasi binosida, viloyat ichki ishlar boshqarmasi boshlig‘i o‘rinbosari podpolkovnik Sherzod Shadievning fuqarolar hamda viloyat ichki ishlar boshqarmasi shaxsiy tarkibining ijtimoiy va shaxsiy masalalari bo‘yicha “Sayyor qabuli” tashkil etildi.

Tashkil etilgan “Sayyor qabul” davomida turli xil ijtimoiy himoyaga muhtoj xodimlarning mavjud muammolari o‘rganilib, ijobiy hal etish choralari ko‘rib chiqildi.

Sayyor qabul davomida, farmoyish bilan tasdiqlangan dastur ijrosini ta’minlash maqsadida, jami 10 nafar ichki ishlar organlari xodimlari o‘zlarining muammolari bilan murojaatlar qilishib, qilingan murojaatlarning aksariyati joyida ijobiy hal etilib, xizmat faoliyati davomida hamkasblariga o‘rnak bo‘lib kelayotgan  xodimlarga bir martalik pul mablag‘lari mukofot tariqasida topshirildi.

Albatta bu kabi sayyor qabullarni muntazam ravishda o‘tkazib borish, tizimda xizmat olib borayotgan xodimlarning oilaviy sharoitini chuqurroq o‘rganib, ularning mavjud ijtimoiy muammolarini hal etishda muhim ahamiyat kasb etadi.