O‘zbekiston Respublikasi Ichki ishlar vazirining tegishli buyrug‘i hamda Surxondaryo viloyati Ichki ishlar boshqarmasi boshlig‘ining 2023 yil 30 oktabr kunidagi tegishli farmoyishlariga asosan, Surxondaryo viloyati Ichki ishlar organlarida xizmat olib borayotgan huquqbuzarliklar profilaktikasi bo‘linmalari xodimlarining faoliyatini yanada takomillashtirish shuningdek, O‘zbekiston Respublikasi Prezidentining 2022-yil 20-yanvardagi PQ-96-son “Zakovat intellektual o‘yinini aholi o‘rtasida ommaviy-ma’rifiy harakatga aylantirish va boshqa intellektual o‘yinlarni rivojlantirishga oid chora-tadbirlar to‘g‘risida”gi qarori ijrosini ta’minlash hamda ushbu o‘quv yig‘iniga jalb etilgan xodimlarning kasbiy bilim va ko‘nikmalarini oshirish ma’naviy-ma’rifiy bilim darajalari hamda jismoniy-jangovar shayligini sinovdan o‘tkazish va yanada rivojlantirish maqsadida,  joriy yilning 8 noyabr kuni o‘quv yig‘ini ishtirokchilari o‘rtasida “Zakovat” intellektual o‘yinlari hamda sportning “Harbiy estafeta” turi bo‘yicha musobaqalar tashkil etildi.

Qizg‘in baxs-munozaralarga boy bo‘lgan musobaqalarda viloyat IIB apparati hamda barcha shahar-tuman IIBlaridan jamoalar ishtirok etishdi.

“Zakovat” intellektual o‘yinlarida 3-o‘rinni viloyat IIB apparati qizlar jamoasi, 2-o‘rinni Denov tumani IIB jamoasi, faxrli 1-o‘rinni esa Sariosiyo tumani IIB jamoasi qo‘lga kiritgan bo‘lsa, sportning “Xarbiy estafeta” turi bo‘yicha esa 3-o‘rinni Boysun tumani IIB jamoasi, 2-o‘rinni Sariosiyo tumani IIB jamoasi egallagan bo‘lsa, faxrli 1-o‘rinni Qiziriq tumani IIB jamoasi qo‘lga kiritdi.

Musobaqa yakunida g‘olib jamoalari Surxondaryo viloyati Ichki ishlar boshqarmasi boshlig‘ining diplom, qimmatbaho sovg‘alari hamda pul mukofotlari bilan taqdirlandilar. Sovg‘alar boshqarma boshlig‘i o‘rinbosarlari tomonidan tantanali ravishda topshirildi.