Dastlab, viloyat IIB boshlig‘ining birinchi o‘rinbosari podpolkovnik Akmal Muratov “Sahovat” mahallasidagi huquq tartibot maskani faoliyati bilan tanishdi. Ushbu mahallada fuqarolar xavfsizligini ta’minlash, jinoyatchilikning oldini olish va profilaktik tadbirlarni samarali tashkil etish ishlari ko‘zdan kechirildi. Tungi xizmatga jalb etilgan xodimlar va jamoatchilik vakillari bilan suhbatda “ijtimoiy profilaktik” tadbirlarni manzilli tashkil etish bo‘yicha topshiriqlar berildi.

Shuningdek, “Alpomish” mahallasida joylashgan “24/7” turistik va gastronomik ko‘chasida fuqarolar xavfsizligini ta’minlash bo‘yicha amalga oshirilayotgan ishlar o‘rganildi. Mas’ullarga yo‘l harakati xavfsizligini kuchaytirish, aholi ko‘p to‘planadigan joylarni kameralashtirish va kiberjinoyatchilikning oldini olish yuzasidan ko‘rsatmalar berildi.

O‘rganish davomida Prezidentimizning PQ–1-sonli qarori ijrosi hamda “Kibermadaniyatni yuksaltirish” oyligi doirasida mahalla yettiligi bilan hamkorlikda amalga oshiriladigan ishlar bo‘yicha tavsiyalar berildi.

Shundan so‘ng, “O‘zbekiston” mahallasida joylashgan “Surxondaryo viloyat issiqlik ta’minoti” MChJning RK–6 markaziy qozonxonasi faoliyati bilan tanishildi. Zamonaviy “aqlli” texnologiyalar asosida faoliyat yurituvchi ushbu tizim ko‘p qavatli uylar va ijtimoiy ob’ektlarni issiq suv bilan ta’minlab kelmoqda.

Shuningdek, “Tuproqqo‘rg‘on” mahallasidagi maxsus qabulxonada saqlanayotgan shaxslar uchun yaratilgan sharoitlar hamda xodimlarning tungi xizmat faoliyati o‘rganildi.

O‘rganish yakunida aniqlangan kamchiliklarni bartaraf etish bo‘yicha viloyat va shahar IIB mas’ullariga tegishli ko‘rsatmalar berildi.

Hozirda viloyatning barcha hududlarida aholi osoyishtaligini ta’minlash va jinoyatchilikning oldini olishga qaratilgan tungi faoliyat ishlari izchil davom ettirilmoqda.