Surxondaryo viloyati Ichki ishlar boshqarmasida 25 oktabr O‘zbekiston Respublikasi Ichki ishlar organlari xodimlari kuni bayrami munosabati bilan tadbir tashkil etildi.
Fuqarolarimizning tinchligi va osoyishtaligi,
huquq va erkinliklarini ishonchli himoya qilish, jamiyatimizda qonun ustuvorligini
ta’minlash yo‘lida olib borayotgan Ichki ishlar xodimlari bugun kasb bayramini munosib
nishonlamoqdalar.
Jumladan, Viloyat IIB boshlig‘ining
2023 yil 21 oktabr kunidagi O‘zbekiston Respublikasi ichki ishlari organlari tashkil
etilganligining 32 yilligi hamda 25 oktabr – “Ichki ishlar organlari
xodimlari kuni” munosabati bilan kasb bayramini yuqori saviyada va ko‘tarinki ruhda
keng nishonlash to‘g‘risida”gi farmoyishining ijrosini ta’minlash maqsadida joriy
yilning 25 oktabr kuni Surxondaryo viloyati Ichki ishlar boshqarmasida bayram tadbiri
tashkil etildi.
Tadbir avvalida viloyat IIB boshlig‘i
so‘zga chiqib, Ichki ishlar vazirining bayram tabrigini shaxsiy tarkibga o‘qib eshittirdi
hamda osuda hayotimiz kafolatlari bo‘lgan Ichki ishlar organlari xodimlari e’tirof
etilib, sohadagi islohotlar natijasida erishilayotgan yutuqlar tilga olindi. Shundan
so‘ng, tizimda o‘zlarining samarali ish faoliyati bilan xamkasblariga o‘rnak bo‘lib
kelayotgan bir guruh xodimlar viloyat Hokimligi, Janubi-g‘arbiy maxsus harbiy okrug
Janubiy operativ qo‘mondonligi, huquqni muhofaza qiluvchi organlar hamda boshqarma
boshlig‘ining qimmatbaho esdalik sovg‘alari bilan taqdirlandilar.
Bayram tadbirlari viloyatning barcha
shahar-tuman ichki ishlar bo‘limlarida ham davom etmoqda.
