Joriy yilning 24 yanvar kuni Surxondaryo viloyati IIB boshlig‘i Abduvohid Ismoilov tashabbusi bilan Muzrabot tuman hokimligi hamda tuman “Madaniyat uyi” binolarida tashkil etilgan uchrashuvda, viloyat Yoshlar ishlari boshqarmasi hamda Tashqi mehnat migratsiyasi agentligi Surxondaryo viloyati filiali bilan hamkorlikda Koreya davlatidan tashrif buyurgan ish beruvchi Kim Choy boshchiligidagi delegatsiya a’zolari, Respublika “SMART EDUCATION” xorijiy tillarni o‘qitish markazi rahbari T.Haydarovlar xorijiy davlatlardagi mavjud xizmat ko‘rsatish, ishlab chiqarish, tibbiyot, qurilish va boshqa ko‘plab sohalardagi bo‘sh ish o‘rinlari taklif qilindi.

Uchrashuvda xorijda ishlash istagi bor 600 nafarga yaqin uyushmagan yoshlar va alohida ishlash talab etiladigan yoshlar ishtirok etdi. Ularga kasb-hunar va xorijiy tillarni o‘rganishlari uchun yaratilgan imkoniyatlar to‘g‘risida ma’lumot hamda huquqiy tushuntirishlar berildi.

Natijada Germaniya davlatiga 491 nafar, Koreya davlatiga 31 nafar, Angliya davlatiga 65 nafar, BAA davlatiga 2 nafar hamda Polsha va Bolgariya davltlariga 1 nafardan fuqarolar borib ishlash istagini bildirishdi.

Shuningdek, xorijiy davlatlarda kasb-hunar egallash maqsadida koreys, nemis, ingliz, rus hamda  arab tillarini o‘rganish istagini bildirgan yoshlar ro‘yxati shakllantirilib, o‘quv kurslarini tashkil etish chora-tadbirlari belgilandi.

Uchrashuv davomida yoshlar o‘zlarini qiziqtirgan savollariga mutaxassislar tomonidan javoblar olishdi.

Yoshlar bilan tashkil etilgan uchrashuv yakunida, xorijiy tillarni o‘qitish uchun jalb qilingan o‘qituvchi va murabbiylar bilan tashkilotchilar o‘rtasida hamkorlik qilish masalalari yuzasidan o‘zaro fikr almashilib, taklif va tavsiyalar tinglandi.